Boko Haram

Boko Haram
Bayanai
Iri	irregular military (en) da ƙungiyar ta'addanci
Ƙasa	Najeriya, Kameru, Cadi, Mali da Nijar
Ideology (en)	Islamic terrorism (en)
Mulki
Shugaba	Abubakar Shekau da Muhammad Yusuf
Mamallaki	Daular Musulunci ta Iraƙi
Tarihi
Ƙirƙira	2002
Wanda ya samar	Muhammad Yusuf

Boko Haram. Hakikanin sunan wannan kungiya shi ne Jama'atu Ahlus sunnah Lidda'awath wal-jihad Mabiya Sunnah ta Annabi Muhammad dan Da'awa da Jihadi ( Arabic : جماعة اهل السنة للدعوة والجهاد Jamā'atu Ahlus Sunnah Lidda'awatih wal-Jihad ), amman anfi saninsu da sunansu na Hausa watan "Yan Boko Haram". Kungiya ce ta 'yan jihadi dake da cibiyarta a Arewa maso gabashin Najeriya. Suna adawa ne da dokokin da ba na Allah ba da kuma kimiyyar Zamani. A shekara ta 2002 wani mutum da ake kira da Muhammad Yusuf ya kirkiri kungiyar kuma suke son tabbatar da Shari'ar Musulunci a Najeriya. Hakazalika, kungiyar Boko Haram ta yi daurin suna kan kaiwa kiristoci da ma’aikatar gwamnati hare-hare da dasa bama-bamai a coci-coci da Masallatai.

gawar wani mayakin boko haram

.

A Najeriya

Sojojin Najeriya a dajin Sambisa maboyar mayakan Boko Haram yayin fafatawa

Tun daga shekarar 2009 hukumomi a Najeriya suke yaki da kungiyar ta Boko Haram wadda tayi sanadin mutuwar dubbannin mutane tare da lalata dukiya ta miliyoyin nairori.

Rundunar sojin Najeriya dai ta sha cewa tana yin iya bakin kokarinta don shawo kan matsalolin tsaro a jihohin arewa maso gabas da ke cikin arewacin kasar wanda rikicin Boko Haram ya daidaita, amma har yanzu Boko Haram,na da tasiri.

Rikicin wanda aka faro a jihar Borno dake arewa maso gabas ya fantsama zuwa makwabtan ƙasashe kamar su Nijar da Chadi da kuma Kamaru. Gwamnatin shugaban Najeriya Muhammadu Buhari da rundunar sojin ƙasar sun sha yin iƙirarin karya lagon Boko Haram,sai dai har yanzu mayakan ƙungiyar na ci gaba da zamewa ƙasashen yankin Tafkin Chadi barazana.

Matan Chibok

Michelle Obama Ta daga takardar nuna tausayi ga yan matan chibok

motocin yaqin yan kungiyar boko haram wanda sojojin camaru suka lalata

.

zanga zanga lumana kenan da dandazon mutane keyi domin ganin an ƙwato ko dawo da chibok girls wanda boko haram suka sace

.

A watan afrilun shekarar dubu biyu da goma sha huɗu, 2014, Boko Haram ta sace 'yan mata 276 'yan makaranta daga Chibok. wanda Sheƙau ya sanar cewa zai saida su a matsayin bayi, Matan tsohuwar shugaban ƙasar Amurka ta tausaya musu a kan alamarin tayi rubutu kamar haka ajikin takardar "#BringBackGoodluck2015" ma'ana adawo mana da yaran mu .