Chiroma Mashio

Chiroma Mashio
Rayuwa
Sana'a

Chiroma Mashio ɗan siyasan Najeriya ne. Shi ne shugaban Majalisar Dokokin Jihar Yobe a yanzu. Yana wakiltar mazaɓar Jajere kuma an zaɓe shi ba tare da hamayya ba a matsayin kakakin majalisar dokokin jihar Yobe ta 8.

Rayuwar farko da ilimi

An haifi Chiroma a ranar 25 ga watan Mayu, 1968, a garin Mashio, dake cikin ƙaramar hukumar Fune a jihar Yobe. Ya fara karatun sa na farko a makarantar firamare ta Mashio kafin ya halarci makarantar sakandiren gwamnati da ke Damagum. Don neman karin ilimi, ya halarci Ramat Polytechnic da ke Maiduguri, daga nan kuma ya wuce Jami’ar Maiduguri, inda ya samu digirin farko na Kimiyya (B.Sc.) a Kimiyyar Siyasa.

Aikin siyasa

Chiroma ya ci gaba da tafiyar siyasa a lokacin da aka zaɓe shi a matsayin ɗan majalisar dokokin jihar Yobe, mai wakiltar mazaɓar Jajere a shekarar 1999. A tsawon shekaru, ya yi aiki a cikin kwamitoci daban-daban da kuma matsayin jagoranci a cikin zauren majalisa. Musamman ma shi ne shugaban kwamitin Kuɗi da kasafin kuɗi na majalisar a lokacin majalissar ta 7.

A majalisa ta 8, 'yan uwansa 'yan majalisar ne suka zaɓe shi baki ɗaya.