Yobe

Yobe jiha ce daga jerin jihohin shiyyar arewa maso gabashin Najeriya. Tana da yawan fili kimanin kilomita murabba’i 45,502 da yawan jama’a miliyan ɗaya da dubu dari huɗu da sha ɗaya da dari huɗu da tamanin da ɗaya (a ƙidayar yawan jama'a na shekarar 1991). Babban birnin tarayyar jihar shi ne Damaturu. Mai Mala Buni shi ne gwamnan jihar tun zaben shekara ta 2015 zuwa yau. Mataimakin gwamnan shi ne Idi Barde Gubana.

Jihar Yobe Kirarin jiha: Abar faharin yankin sahara.
Wuri
Ƙidaya
Harsuna	Karekare, Kanuri, Ngamo, Bolewa, Babur, liki liki Fulani, Bade, Margi, Ngizim
Gwamna	Mai Mala Buni (APC)
An ƙirkiro ta	1991
Baban birnin jiha	Damaturu
Iyaka	45,502km²
Mutunci 1991 (ƙidayar yawan jama'a) 2005 (ƙidayar yawan jama'a)	1,411,481 2,532,415
ISO 3166-2	NG-YO

Jihar Yobe dai tana da shiyyoyi guda uku: shiyyar gabas, kudu da kuma arewa. 'yan majalisar Dattijan jihar su ne: Ahmed Ibrahim Lawan mai wakiltar shiyyar arewaci, Ibrahim Gaidam shiyyar gabashi da Mohammed Ibrahim Bomai shiyyar kudanci.

yobe a wani karni na baya

Jihar Yobe tana da iyaka da jihohi huɗu, su ne: Bauchi, Borno, Gombe da kuma Jigawa. Tana kuma miyake da jamhuriyar kasar Nijar.

Duwatsu masu ban sha'awa na yobe

Tarihi

An kirkiri jihar Yobe ne a ranar 27 na Ogastan 1991. An ciro ta ne daga jikin jihar Borno a zamanin mulkin Ibrahim Badamasi Babangida kuma an yi hakan ne don a saukaka sha'anin tafiyar da mulki a yankin. Ranar 14 Mayu 2013, Shugaban Najeriya Goodluck Jonathan ya rattaba dokar ta baci a jihar Yobe da Borno da kuma Adamawa. Saboda harin ta'addanci na kungiyar Boko Haram. Abubakar Shekau, shugaban kungiyar ta Boko Haram, haifaffen kauyen Shekau ne na jihar Yobe.

Kananan hukumomi

Yobe tana da kananan hukumomi goma sha bakwai sun hada da:

Bade Bursari Nguru Damaturu Geidam Yunusari Gujba Gulani

Fika Fune Jakusko Karasuwa Machina Nangere

Potiskum Tarmuwa

Harsuna

Wadannan su ne harsunan mutanen Jihar da kuma kananan hukumomin da ake samun su:

Kananan Hukumomi	Harsuna
Bade	Bade; Duwai
Bursari	Bade
Damaturu	Yerwa Kanuri; Karaikarai
Damagum	Karaikarai
Fika	Bolewa; Karaikarai; Ngamo
Fune	Karaikarai
Geidam	Yerwa Kanuri
Gujba	Yerwa Kanuri
Gulani	Maaka
Jakusko	Bade
Nangere	Karaikarai
Nguru	Yerwa Kanuri; Hausa; Bade
Potiskum	Karaikarai; Ngizim
Tarmuwa	Fulani, kanuri
Yunusari /yusufari/ machina	Kanuru

Sauran harsunan da ake samu a jihar Yobe sun hada da Bura-Pabir, Manga Kanuri, da kuma Zarma.

Fitattun mutane

• Usman Albishir - (15 Yuni 1945 – 2 Yuli 2012) tsohon sanata kuma shugaban majalisar dattawa maras rinjaye
• Mai Mala Buni - (born 11 Nuwamba 1967) dan siyasa, tsohon sakataren jam'iyyar APC na kasa kuma Gwamnan jihar Yobe na yanzu.
• Ibrahim Gaidam, tsohon gwamnan jihar Yobe kuma a yanzu dan majalisar dattawa mai wakiltar shiyyar gabashin jihar a fadar gwamnatin tarayya.
• Buba Galadima - Dan siyasa kuma sakataren kasa na jam'iyyar Congress for Progressive Change (CPC).
• Bukar Ibrahim - (shekarar haihuwa Aktoba 1950) tsohon gwamnan jihar Yobe kuma tsohon Dan takarar shugabacin kasa a jam'iyyar NNPP a shekarar 2007.
• Khadija Bukar Abba Ibrahim - (shekarar haihuwa 6 Janairu 1967) matar tsohon gwamnan jihar Yobe Bukar Abba Ibrahim, tsohuwar 'yar majalisar wakilai na tarayya kuma Ministar kasa mai kula da harkokin waje karkashin jagorancin Muhammadu Buhari
• Ahmed Ibrahim Lawan - sanata tun daga shekarar 1991 kuma shugaban majilisar dattijan Najeriya a yanzu kuma shi ne mutum na 9 a shugabannin majilisar kasar.
• Ibrahim Talba - Dan siyasa kuma tsohon babban sakataren gwamnati a fadar shugaban kasa lokacin mulkin Olusegun Obasanjo kuma Ciroman masarautar Tikau
• Adamu Waziri - (shekarar haihuwa 14 Satumba 1952) Dan siyasa kuma tsohon Dan takarar gwamnan jihar Yobe a karkashin jam'iyyar PDP kana tsohon ministan 'yan sanda na kasa kuma tsohon ministan jami'an kula da lafiyar hanya
• Musaddam Idriss Musa - (shekarar haihuwa 11 Disamba 1993) Dan jarida kuma gogaggen marubucin littattafai, fina-finai da kuma labaru. Gwarzon gasar ZEWA award na kasa, gwarzon gasar ALS Poetry Award na India, kuma daya daga zakarun gasar KAF.