Adamu Waziri

Adamu Waziri
Minister of Police Affairs (en) 2010 - 2011 ← Ibrahim Lame - Omoniyi Caleb Olubolade →
Rayuwa
Haihuwa	14 Satumba 1952 (72 shekaru)
ƙasa	Najeriya
Harshen uwa	Hausa
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa
Imani
Jam'iyar siyasa	Peoples Democratic Party

Adamu Maina Waziri (an haifeshi ne a ranar sha hudu 14 ga watan Satumba shekara ta alif dari tara da hamsin da biyu 1952) an naɗa shi ministan harkokin ƴan sandan kasa aNajeriya a ranar shida 6 ga watan Afrilun na shekara ta dubu biyu da goma 2010, lokacin da muƙaddashin shugaban ƙasa Goodluck Jonathan ya bayyana sabuwar majalisarsa.

Rayuwar farko da Karatu

An haifi Waziri a jihar Yobe a ranar goma sha hudu 14 ga watan Satumba shekara ta alif dari tara da hamsin da biyu 1952. Ya yi karatun BSc da MBA a Jami'ar Ahmadu Bello da ke Zaria. Ya zama malami a jami'ar Maiduguri a shekara ta alif dari tara da saba'in da tara 1979.

Ayyuka

Mukamai a masana'antu masu zaman kansu sun hada da Babban Darakta, Hydro Quest Najeriya da Babban Jami'in Bogaru International. A gwamnati ya yi aiki a Hukumar Bayar da Lamuni ta Dalibai, Ma’aikatar Ilimi ta Tarayya, sannan ya kasance mataimaki na musamman ga Ministan Noma, Babban Mataimaki na Musamman ga Shugaban Kasa, Ko’odinetan shirin kawar da talauci na kasa da kuma Shugaban Hukumar Kare Hatsari. Ya kasance Babban Sakatare, Asusun Haɓaka Fasahar Man Fetur tsakanin shekara ta dubu biyu da biyar 2005 zuwa 2006.

Siyasa

Waziri ya kasance ɗan takarar gwamnan jihar Yobe a ƙarƙashin jam'iyyar PDP a zaɓen 2007. Bayan zaben shugaban kasa Umaru Musa 'Yar'aduwa an naɗa shi ƙaramin minista a ma'aikatar noma da albarkatun ruwa ta tarayya. A ranar 29 ga watan Oktoba ta shekarar dubu biyu da tokas (2008) aka saka shi a cikin wani sauyi na majalisar ministoci.Waziri ya kasance mamba ne a ƙungiyar (Good Governance Group) ƙarƙashin jagorancin Ken Nnamani wanda ya miƙa mulki daga Umaru Yar'Adua zuwa Jonathan.