Idi Barde Gubana

Idi Barde Gubana
Deputy Governor of Yobe State (en) 2019 -
Rayuwa
Haihuwa	24 ga Afirilu, 1960 (64 shekaru)
ƙasa	Najeriya
Harshen uwa	Harshen Karai-Karai
Karatu
Makaranta	Jami'ar Maiduguri
Harsuna	Turanci
Sana'a
Sana'a	ɗan siyasa
Imani
Jam'iyar siyasa	All Progressives Congress

Alhaji Idi Barde Gubana (Shekarar haihuwa; ranar ashirin da hudu 24 ga Watan Afrilu shekarar alif 1960) ya kasance ɗan siyasa ne a Najeriya, wanda a halin yanzu shi ne mataimakin gwamnan. Jihar Yobe na yanzu gwamna Mai Mala Buni da aka zaɓa a ƙarƙashin inuwar jam'iyyar APC a shekarar dubu biyu da goma sha Tara 2019. An haife shi ne a garin Gubana na ƙaramar hukumar Fune. Ya fito ne daga jinsin al'ummar Karai-Karai kuma shi ne ke riƙe da mukamin gargajiya na Wazirin Fune.

Karatu

Barde, ya halarci makarantar firamare ta Daura a shekarar alif 1970 inda ya samu shaidar kammala karatunsa na farko a shekarar alif 1976, sannan ya yi makarantar sakandare a kwalejin malamai ta Borno daga shekara ta alif 1973 zuwa 1979 inda ya samu takardar kammala jarrabawar Afirka ta Yamma. Ya yi makarantar koyon zamantakewar jama'a a Jos a shekarar ta alif 1989 don samun digirin HND. Daga nan sai ya tafi jami'ar Borno (UNIMAID) sannan ya yi digirinsa na farko a fannin kasuwanci (gudanar da kasuwanci) sannan ya tafi Jami'ar Tarayya dake Jihar Borno inda ya samu digiri na biyu a shekarar ta dubu biyu 2000.

Aiki

Ya yi aikin koyarwa a shekarar alif 1980 a makarantar firamare ta Dawayya sannan kuma a matsayin shugaban makaranta a makarantar firamare ta Gubana a shekarar alif 1982 zuwa 1984. A 1982 ya yi aiki a sashen noma a Ƙaramar Hukumar Fune ta jihar Yobe. Ya rike mukamin shugaban sashen noma a sakateriyar ƙaramar hukumar Fika.

Iyali da Addini

Barde ɗan Masarautar Gubana ne, yana da mata uku 3 da ’ya’ya ashirin da tara 29, Sannan kuma shi musulmi ne.

Siyasa

Idi Barde ya fara tafiyar siyasarsa ne a shekarar alif 1997 a lokacin da ya tsaya takara kuma ya lashe zaben shugaban karamar hukumar Fune ya zauna karkashin jam'iyyar tarayyar najeriya (United Nigeria Congress Party, UNCP), don wakiltar karamar hukumar Fune. A shekara ta dubu biyu (2000) aka nada shi shugaban kwamitin riko a karamar hukumar Fune har sau biyu zuwa 2003. Ya zama mai ba da taimako na musamman a ayyuka na musamman ga gwamnan jihar Yobe Bukar Abba Ibrahim a shekarar 2007, bayan nan kuma aka nada shi a matsayin kwamishina ma’aikatar gaskiya da rikon amana da cigaban karkara ci gaban karkara. A shekarar 2008 ya zama mataimaki na musamman a taron kasa domin banbance, a karkashin Bukar Abba Ibrahim, sannan kuma ya kasance mataimakiyar dukiyar kasa a yankin arewa maso gabas karkashin jam'iyyar duk najeriya (All Nigeria Peoples Party, ANPP). A shekarar 2011 aka nada shi kwamishinan ma’aikatar noma ta jihar Yobe. An sake nada shi a matsayin kwamishinan ma’aikatar muhalli 2013, kwamishinan ma’aikatar kasafin kudi 2013, yayin da ayanzu yana matsayin mataimakin gwamnan jihar Yobe yafara 2019 zuwa yanzu.