Judith Uwizeye

Judith Uwizeye
Minister in the Office of the President (en) 31 ga Augusta, 2017 -
Rayuwa
Haihuwa	Ruwanda, 20 ga Augusta, 1979 (45 shekaru)
ƙasa	Ruwanda
Mazauni	Kigali
Karatu
Makaranta	National University of Rwanda (en) University of Groningen (en)
Sana'a
Sana'a	Lauya, ɗan siyasa da Malami

Judith Uwizeye Lauya ce, Malama kuma 'yar siyasa a ƙasar Rwanda, wacce ta yi aiki a matsayin Minista a ofishin shugaban ƙasa, tun daga ranar 31 ga watan Agusta 2017. Daga watan Yuli 2014 har zuwa Agusta 2017, ta yi aiki a matsayin ministar hidimar jama'a da aiki a majalisar ministocin Rwanda.

Fage

An haife ta a Ruwanda, a ranar 20 ga watan Agusta 1979. Ta samu digirin digirgir a fannin shari'a a jami'ar ƙasar Rwanda a shekarar 2006. Daga nan ta wuce Jami'ar Groningen da ke ƙasar Netherlands inda ta kammala karatun digiri na biyu a fannin tattalin arziki da kasuwanci na ƙasa da ƙasa.

Sana'a

A cikin shekara ta 2006, Uwizeye ta fara koyarwa a tsangayar shari'a a Jami'ar Ƙasa ta Ruwanda ta lokacin, a Huye. Cibiyar ta haɗu da sauran manyan makarantun koyo don zama Jami'ar Ruwanda. A lokacin da aka naɗa ta minista a shekarar 2014, ta kai matsayin mataimakiyar laccara, a fannin tattalin arziki da kasuwanci na ƙasa da ƙasa.

Na sirri

Judith Uwizeye ta auri Manase Ntihinyurwa, jami'in kwastam na hukumar tara haraji ta Rwanda, kuma sun haifi yara guda biyu.

Duba kuma

• Majalisar Rwanda
• Rosemary Mbabazi.

Hanyoyin haɗi na waje

• Yanar Gizo na Ma'aikatar Jama'a da Kwadago ta Rwanda