Kitso

Daga Wikipedia, Insakulofidiya ta kyauta.
Jump to navigation Jump to search
ana yiwa wata mata kitso
ana yin kitso a salun (saloon)
matan fulani da kitso
Wikidata.svgKitso
The heads and shoulders of five women with their hair combed Wellcome V0019889EL.jpg
Bayanai
Ƙaramin ɓangare na shape (en) Fassara
Field of work (en) Fassara fashion (en) Fassara
Has contributing factor (en) Fassara haircutting (en) Fassara

Kitso wata al'ada ce da ake yin ta domin tufƙe gashin kai, saboda ado ko kwalliya ko kuma dalili na Addini. A wasu ƙasashen akasari mata suka fi yin kitso yayin da a wasu ƙasashen maza kaɗai sukafi yin sa. A wasu kuma maza da mata ne ke yin kitso sai a al'ada ƙasar Hausa Mata sune keyin kitso ba maza ba, idan kaga namiji da kitso to lallai ya saɓawa al'adun Hausawa da kuma Addinin Musulunci. Mata na kitse gashin kan su don Kwalliya da birge mazajensu na Aure kitso yanada matuƙar muhimmanci sosai musamman ga wasu ƙabilun Afrika. Amma a al'adance ko kuma a al'adar Hausawa kitso mata keyi ba maza ba idan har kaga namiji da kitso to lallai ɗan daudu ne kuma ya saɓawa Addinin Musulunci, suma matan akwai inda yake saɓawa Addinin Musulunci a yayin da suka nema ƙara gashin kansu wannan haramun ne a Musulunci ko ma da ace ba babu haramci to masana sun tabbatar da ƙarin gashi na kawo zubewarsa da maida kan mata da sanƙo.[1][2][3][4]

Wasu matan ma sukan ɗauki kitso a matsayin sana'ar su ta yau da kullum kuma suna samun amfani. Kitso kala-kala ne, akwai na gargajiya da na zamani.[5]

Asalin Kitso[gyara sashe | Gyara masomin]

A tarihi idan muka koma shekaru 30,000 baya duk ya fara ne a Afirka. A haƙiƙanin gaskiya, tsohon sanannen hoton kitso na kwalliya an gano shi a bakin Kogin Nilu, ta wani wurin da aka binne shi da ake kira Saqqara. Har ila yau an gano hoton kitso a jikin Giza. Ƙabilu, ƙungiyoyi da yankuna na Afirka sun ƙawata kawunan su saboda mahimmancin al'adu kuma sun kasance masu rikitarwa da banbanci kamar yawancin salon da muka sani kuma muke son sakewa a yau.

Yawa kamar salo a cikin tarihi, gashi ya daɗe da zama alama ta halayen mutum kamar matsayi na zamantakewar jama'a, dukiya, addini, shekaru, matsayin aure da sauransu.

Ire ire-iren kitso na gargajiya[gyara sashe | Gyara masomin]

  • Ayaba da wuka,
  • Bayan hanu,
  • Cikin-hanu,
  • Cuku,
  • Doka,
  • Gaban hanu,
  • Gammo,
  • Gudun biri,
  • Hittobe,
  • Kalaba,
  • Kifa-kwando,
  • Kwado,
  • Lallabtu,
  • Leka-tukunya,
  • Mai maciji,
  • Mu-gamu-a-kotu,
  • Mu-gamu-a-tasha,
  • Tashin soja,
  • tuntu,
  • Zane.

Ire-iren kitson Hausawa na zamani[gyara sashe | Gyara masomin]

  • 2 steps,
  • 6-3-3-4,
  • 7-7,
  • Abuja connection,
  • Baby face,
  • Come down love,
  • Ghana weaven,
  • Hular tsigai,
  • Husband and wife,
  • Ibra style,
  • Kitson zare,
  • My husband heart. Da dai sauransu.

Manazarta[gyara sashe | Gyara masomin]

  1. Musa, Aisha (28 July 2019). "Yadda wata mata ta je Makkah sannan ta gina gida da kudin kitso a Abuja". legit hausa. Retrieved 16 July 2021.
  2. Akinyemi, Aaron (23 April 2019). "Dalilin da ke jawo wa mata zubewar gashi". bbc hausa. Retrieved 16 July 2021.
  3. Mohammed Abubakar, Zainab (13 March 2019). "Abuja: Matashiya mai sana'ar gyaran gashi". dw.hausa. Retrieved 16 July 2021.
  4. Kutama, Musa (26 December 2021). "Na Shafe Fi Ye Da Shekara 30 Ina Sana'ar Kitso". Aminiya.dailytrust.com. Retrieved 26 December 2021.
  5. "Matar da ta gina gida da kudin kitso a Abuja". BBC Hausa. 27 July 2019. Retrieved 16 July 2021.