Addini

Daga Wikipedia
A tsallaka zuwa: Shawagi, nema

Addini

[Ad-Deen, Ad-Diin, Deen! Arabic ko Religion English.

An samo kalmar daga harshen Larabci Arabic, ta na nufin hanyar bauta ko rayuwa ko kuma hanya kawai. Kuma har zuwa wannan lokaci a na ci gaba da amfani da wannan kalma ta Addini a harsuna da yawa, ciki har da Hausa.

Ma'anar Addini[gyarawa | edit source]

Addini shi ne hanyar rayuwa bisa bautar wani abun bautawa, bisa amfani da tsare-tsaren da wannan abin bautar, ko kuma makusantansa suka tanadar, domin tafiyar da rayuwar yau da kullum ta mabiya wannan Addini, bisa wasu tanaje-tanaje ko tsare-tsare.

Addini ya rabu gida daban-daban, kamar yadda masana addini su ka yi bincike kuma su ka tabbatar. A bisa wannan bincike, an kasafta Addini gida biyu, wato Addinan Kaɗaitaka Monotheism da kuma Addinan Tarayya Polythiesm.

Rabe-Raben Addinai[gyarawa | edit source]

1. Addinan Kaɗaitaka Monotheism: Wadannan sune Addinan da suka yarda da wanzuwar abin bauta guda ɗaya tilo, kuma suka tafi akan tabbatuwar wannan abin Bauta a matsayin wanda ya halicci rayuwa da duk abin da rayuwar ta tattara, Mutane, Aljannu, Dabbobi, Tsirrai, Sararin Sammai, Sararin Kassai, Ruwa, Iska da makamantansu.

Addinan da suke a cikin wannan kason sun hadar da:

Addinin Musulunci Islam Addinin Kiristanci Christianity Addinin Yahudanci Judaism Addinin Zarusta Zoroastorianism

Littatafan Addinai:

Wadannan addinai su na da littatafai da suke ƙunshe da hukunce-hukuncen na tafiyar da rayuwar jama'a bisa tsari da tsafta da kuma jagoranci. Ubangiji shi ya saukarwa bayinSa littatafan, ta hanyar Mala'ikunSa zuwa ga ManzanninSa domin suyi gargadi da kuma jagoranci bisa hanyarSa.

Addinai da Littatafansu:

-Addinin Yahudanci Judaism an saukar masa da littafi Zabura [Zaboor Old Testament ta hannun Annabi Musa Moses.

-Addinin Kiristanci Christianity an saukar masa da littafin Injila [Injeel New Testament ta hannun Isa Ɗan Maryama Jesus Christ.

-Addinin Musulunci (Islam) an saukar masa da Ƙur'ani Mai Girma [Noble Qur'an [Koran]] ta hannun Annabi Muhammad "Sallallaahu Alaihi Wasallam" Mohamed, Mohammed.

2. Addinan Tarayya Polytheism: Wannan nau'in addinai sune addinan da basu yadda da bautar Allah ba, mafi yawancinsu su na bautar gumaka ne ko kuma halittu daban-daban kamar Saniya, Macijiya, Birai, Tumaki da sauransu. Wasu kuma su na bautar halittu ne kamar su Rana, Iska, Ruwa, Duwatsu da sauran su.

Ire-iren waɗannan addinai sun yarda da gabatar da hadaya ga ababan bautarsu, kuma basu da wasu tsayayyun dokokin rayuwa ko littatafai da ke dauke da hukunce-hukunce da tsare-tsaren tafiyar da rayuwar yau da kullum, saɓanin addinan kaɗaitaka.

Addinan da suke cikin wannan kason sune:

Addinin Buddah Buddhism Addinin Hindu Hinduism Addinin Aztec Aztec Addinin Majusanci. Da Sauransu.

Wallafar Abdullahi Template:FaisalKano, @A_FaisalKano

Wikimedia Commons on Addini