Lazarus Chakwera

Lazarus Chakwera
Shugaban kasar malawi 28 ga Yuni, 2020 - ← Peter Mutharika (en) Election: 2020 Malawian presidential election (en) Minister of Defence (en) 28 ga Yuni, 2020 - 31 ga Janairu, 2023 ← Peter Mutharika (en) Member of the National Assembly of Malawi (en) 2010 - District: Lilongwe North West (en) Election: Malawian legislative election, 2014 (en)
Rayuwa
Haihuwa	Lilongwe, 5 ga Afirilu, 1955 (69 shekaru)
ƙasa	Malawi
Karatu
Makaranta	University of Malawi (en) University of Limpopo (en) Trinity International University (en) University of South Africa (en)
Sana'a
Sana'a	ɗan siyasa, Malamin akida da Malami
Imani
Addini	Assemblies of God (en)
Jam'iyar siyasa	Malawi Congress Party (en)

Lazarus McCarthy Chakwera (an haife shi ranar 5 ga watan Afrilu shekarar 1955) ɗan siyasan Malawi ne kuma wanda ya yi aiki a matsayin Shugaban Malawi kuma ministan tsaro tun watan Yunin shekarar 2020. Har ila yau, yana aiki a matsayin ministan tsaro ga kundin tsarin mulkin Malawi, Ya yi aiki a matsayin shugaban jam'iyyar Congress Party daga 2013. Ya kasance Shugaban majalisar Cocin (Assemblies of God) a Malawi daga 1989 zuwa 2013.

A baya, Chakwera shi ne shugaban ƴan adawa a majalisar dokokin kasar bayan zaɓukan da aka gudanar a ranar 21 ga watan Mayun shekarar 2019 da kotun tsarin mulkin kasar ta soke. An nada shi shugaban SADC a ranar 17 ga watan Agusta a taron shekara-shekara na SADC karo na 41 da aka gudanar a ranar 9 ga Agusta zuwa 19 ga Agusta 2021 a Lilongwe, Malawi.

Rayuwarsa

An haifi Lazarus a Lilongwe, babban birnin Malawi, a ranar 5 ga watan Afrilu shekarar 1955 a lokacin da ƙasar ke ƙarƙashin mulkin mallaka na Burtaniya. Mahaifinsa malamin makarantar firamare ne kuma yana samun abin hidima da ciyar da iyalinsa ta hanyar sana'ar noma. Ya auri Monica Chakwera a ranar 8 ga watan Oktoba, shekarar 1977, sun haifa ƴa'ƴa huɗu (namiji ɗaya da mata 3).

Karatu

Chakwera ya kammala karatun digiri na farko a sashen Arts (Palsapa) daga Jami'ar Malawi a shekarar 1977. Ya karanta ilimin tauhidi sannan ya sami digirin girmamawa a Jami'ar Arewa ta Afirka ta Kudu sannan ya sami digiri na biyu (MTh) a Jami'ar Afirka ta Kudu a 1991. Jami’ar Trinity International da ke Amurka ta ba shi digirin digirgir (D.Min) a shekarar 2000. Ya zama farfesa a Makarantar Pan-Africa Theological seminary a 2005.

Aikin Tauhidi na coci

Ya yi aiki a matsayin malami a (Assemblies of God) daga 1983 zuwa 2000 inda ya zama Shugaban Makarantar a 1996. Ya kasance babban darekta kuma malami a Makarantar Tauhidin kiristanci ta Duniya. Daga 1989 zuwa 2013 ya jagoranci Majalisar Malawi ta Ubangiji. A ranar 14 ga Afrilu 2013 ya ba wa mutane da yawa mamaki lokacin da ya bayyana aniyarsa ta tsayawa takara a babban taron jam'iyyar adawa ta Malawi Congress Party (MCP) a matsayin shugaban kasa yayin da yake ci gaba da rike Majalisar Dokokin ubangiji.