Kwalejin Kimiyya da Fasaha ta Tarayya, Mubi

Kwalejin Kimiyya da Fasaha ta Tarayya, Mubi
Bayanai
Iri	polytechnic (en)
Ƙasa	Najeriya
Harshen amfani	Turanci
Tarihi
Ƙirƙira	1979
fpmubieportal.edu.ng

Makarantar Federal Polytechnic, Mubi politakanik ce da ke Mubi, Jihar Adamawa, arewa maso gabashin Najeriya.

Federal Polytechnic, Mubi tana daya daga cikin manyan makarantun gwamnatin tarayya guda bakwai da aka kafa a karkashin doka mai lamba 33 na shekarar 1979. An bude ta ne a watan Agusta na 1979 shekarar da aka kafa Federal Polytechnic, Yola, a gefen dutsen arewacin kogin Benue. Dangane da umarnin shugaban kasa, an mayar da Kwalejin Kimiyya da Fasahar zuwa garin Mubi a watan Oktoba 1982 amma har yanzu tana ci gaba da zama a Yola a matsayin Sashin Ba da Shawarwari wato (Consultancy Services Unit).

A Mubi makarantar ta mamaye tsohon ginin Makarantar Fasaha da Kimiyya ta Tarayya (Federal School of Arts and Sciences). A halin yanzu ana gyara abubuwan more rayuwa na tsoohon ginin tare da gyara su don dacewa da bukatun Polytechnic. Kwanan nan an kammala sabbin dakunan gwaje-gwaje na kimiyya da injiniyanci, wuraren bita da ɗakin karatu sun taso a bisa tsarin fasaha na zamani. Madaidaicin dakunan bada lacca, rukunin ɗakin karatu, shingen ofisoshi masu dakuna biyu don sashin Business and General Studies, shingen ofisoshi da azuzuwa na sashen Basic & Applied Sciences, Cibiyar Kimiyyar Noma, Cibiyar Kimiyyar Abinci & Fasaha da ƙarin dakunan kwanan dalibai mata da dai sauransu.

A lokacin da mayar da ita garin Mubi, ta mamaye ginin tshohuwar Makarantar Fasaha da Kimiyya ta Tarayya. Polytechnic ta fara aiki tare da shirye-shirye a cikin Nazarin Farko a fannin Kimiyya da Gudanarwa. Wannan shiryayyun kayayyakin koyarwa sun janyo yawan dalibai da suka shiga makarantar don kamma Difloma ta Kasa a fannuka goma da aka bude a makarantar. Waɗannan su ne Fasahar Noma, Fasahar Abinci da Sinadarai, Kayan Aiki da Nazari, Gudanar da Otal da Abinci, Binciken Filaye, Injiniyan Jama'a, Injiniyan Lantarki, Injin Injiniya, Nazarin Sakatariya da Gudanar da Kasuwanci da Gudanarwa. Daga baya aka gabatar da takardar shedar ilimi ta kasa (NCE) a makarantar a shekarar 1982.

Shirye-shiryen ta fannin koyarwa a Polytechnic sun ci gaba da girma cikin ladabi amma a hankali kamar zuwa 2006 cibiyar tana da sassan ilimi goma sha huɗu da ɗalibai sama da 3000, sama da ɗalibai 138 a farko. Tun daga watan Agustan 2007, a karkashin jagorancin Dokta Mustapha Mohammed Barau, makaranta ta sami babban ci gaba. Kamar yadda a taron ilimi na 2009/2010 cibiyar tana da yawan ɗalibai sama da 14,000 da shirye-shirye 36 da aka yarda da su tare da mafi yawan kayan aikin zamani don dacewa. Shirin ƙarin makarantu da sassan ilimi goma sha bakwai ya kai matakin gaba. Yawan ma'aikata, wanda a farkon ya kai ma'aikata goma amma a yau sun kai kusan mutum dubu biyu.

Kwalejin Kimiyya da Fasaha ta Tarayya da ke Mubi, ita ce babbar cibiyar ilimi irinta a shiyyar Arewa-maso-gabas, tana gudanar da tsare-tsaren karantu da ke gudanar da shirye-shirye daban-daban a fannoni daban-daban a matakan Difloma na kasa ta gaba, Difloma na gaba, Diploma ta kasa, Diploma da Certificate. Akwai kuma shirye-shirye na musamman da ake bayarwa a yayin dogon hutu baya ga shirin digiri na Bachelor of Technology (B.Tech.) da aka shirya. Makarantar Polytechnic tana da makarantu shida da Cibiyar Ilimin Harkokin Kasuwanci.

Tun farkon kafuwar ta, makarantar ta yi ƙoƙarin ƙarfafa mutane da yawa tare da ƙwarewar fasaha da na kasuwanci da ake buƙata don yaƙi da rage talauci .

Anyi wani kisan gilla a makarantar a ranar 1-2 ga Oktoba, 2012.