Oriyomi Hamzat

Oriyomi Hamzat
Oriyomi Hamzat
Haihuwa	Oriyomi Abdulrahman Hamzat Ibadan, Oyo State, Nigeria
Aiki	Journalist human rights activist
Iyaye(s)	Asimiyu Adekunle Hamzat, (father)
Lamban girma	Honorary Doctorate in Art and Communications. International Humanitarian Service Award.

Oriyomi Abdulrahman Hamzat 'Dan jaridar watsa shirye-shirye ne a kasar Najeriya kuma mai fafutukar kare hakkin bil'adama wanda ya ke aiki a matsayin Shugaban Agidigbo 88.7 FM .

Tarihi da ilimi

An haifi Hamzat ne a garin Ibadan, jihar Oyo, a kasar Najeriya, inda kuma anan ya girma, ga mahaifinsa Asimiyu Adekunle Hamzat, wadda shima ɗan jarida ne na Hukumar Talabijin ta Najeriya wato NTA. Hamzat ya samu ya kammala karatunsa na makarantar sakandare ne a makarantar Iroko Community Grammar School kafin ya ci gaba zuwa Makarantar Kimiyya ta Jihar Oyo, Pade . Ya sami difloma a fannin ilimin ƙasa daga The Polytechnic, Ibadan, kuma ya ci gaba da karatu kan Sadarwar Jama'a a Cibiyar Eruwa (wanda yanzu ake kira Adeseun Ogundoyin Polytechnic. A watan Nuwamba na shekara ta dubu biyu da ashirin da uku (2023), Hamzat ya sami digiri na farko a fannin ilimin harshe da harshe daga Jami'ar Ibadan .

Ayyuka

Hamzat ya fara aiki ne a matsayin ɗan jarida mai buga takardu na jaridar Najeriya mai suna The Guardian . Bayannan kuma ya yi aiki a kungiyoyi masu yawa ciki har da Kamfanin Watsa Labarai ta Jihar Oyo wato (BCOS) wadda take Ile Akede, Ibadan, Kamfanin Rediyo na Tarayya na Najeriya, Raypower, da 32 FM 94.9. Bayan kwarewarsa ta aiki a cikin kafofin watsa labarai, ya ƙaddamar da nasa dandamali mai suna Agidigbo 88.7 FM .

Ɗaya daga cikin sanannun gudummawarsa shine ba da ra'ayi gameda 'yan Najeriya da aka ware gefe guda da kuma wadda basuda muryar gaya a ji. A game da Timothy Adegoke, wani dalibi wanda mutuwarsa a karkashin yanayi mai ban mamaki ya haifar da fushi Hamzat ya shiga tsakani.

A cikin shekarar dubu biyu da sha bakwai (2017), Ma'aikatar Tsaro ta Jiha ta kama shi kan tuhumar ƙarya.

Kyaututtuka da karbuwa

Kyautar	Bayani	Ranar	Tabbacin.
Dokta na girmamawa a cikin Fasaha da Sadarwa.	Jami'ar Turai-Amurka ce ta bayar da shi a matsayin D.Art, Honoris Causa .	Afrilu 2023.
Kyautar Ayyukan Jama'a ta Duniya.	An karɓa don gudummawa mai ban mamaki ga aikin jin kai.	Satumba 2023.

Gidauniyar Taimako ta Oriyomi Hamzat

Oriyomi Hamzat kuma yana da gidauniyar sadaka inda yake kula da yara marasa uwa ko kuma marayu, yana ɗaukar nauyin ciyarwa da tallafawa iliminsu.

Oriyomi Hamzat ya ba ma'aikatansa mota

Kwanan nan ba da jimawa ba ya ba da kyautar motoci ga ma'aikatansa waɗanda suka yi aiki tare da shi a tsohon gidan rediyon sa na Agidigbo 88.7 FM