Hari a Maiduguri, Maris 2015

Hari a Maiduguri, Maris 2015
suicide bombing (en)
Bayanai
Ƙasa	Najeriya
Kwanan wata	7 ga Maris, 2015
Wuri
11°50′N 13°09′E

A ranar 7 ga watan Maris, 2015 wani ɗan ƙuna baƙin wake ya tayar da bam a kan keken a kusa da kasuwar kifi a Maiduguri a arewa maso gabashin Najeriya, inda ya kashe aƙalla mutane 10. Bayan haka kuma a hukumance an bayar da rahoton cewa, an kai wasu jerin hare-haren ƙwara biyar da ƴan ƙuna baƙin wake suka kai a rana guda a yankuna biyar na birnin. A cewar majiyoyi da yawa, an kashe mutane 58 sannan sama da mutane 143 suka jikkata.

Lamarin

Kamar yadda shaidu da rahotanni daban-daban suka bayyana, mai yiwuwa dan ƙuna baƙin wake na farko yaro ne ɗan shekara 16 wanda ya yi ƙoƙarin shiga kasuwar kifi ta Baga a birnin Maiduguri.

Ana kyautata zaton fashewar ta biyu ce, ta tashi a wata kasuwa da aka fi sani da kasuwar litinin da misalin karfe 12:30. Rahotanni daga BBC sun ce wasu mata biyu ne suka kai harin. Fashewa na uku ya faru ne da misalin karfe 12:52 kusa da ofishin tsaro na ma'aikatar harkokin wajen ƙasar. A cewar rahoton na BBC, "Shaidu da yawa sun yi imanin cewa fashewar tagwaye ce kuma".

Alhaki

Babu wata ƙungiyar ta’addanci da ta ɗauki alhakin wadannan fashe-fashen nan take, amma majiyoyi da dama sun yi nuni da cewa ƙungiyar ta’addancin nan ta Boko Haram ce ke da alhakin kai harin domin fashe-fashen na da kamanceceniya da irin hare-haren Boko Haram a baya.

A ranar 8 ga watan Maris, 2015 adadin waɗanda suka mutu ya ƙaru zuwa 58, a cewar ƴan sandan Najeriya.