Kofa:Adabi

Daga Wikipedia, Insakulofidiya ta kyauta.
Jump to navigation Jump to search
yan matan hausawa suna gada

Taqaitaccen Tarihin Wasan Kwaikwayo danjuma (2004) ya ce, wasan kwaikwayo na farko a doron qasa ya samu ne tun zamanin Annabi Adam. Bayan da ‘ya’yansa biyu suka yi fada a kan mata, sai daya ya kashe daya. Wanda ya yi kisan ya shiga cikin damuwar yadda zai yi da gawar. A nan Allah ya turo da mala’iku a cikin siffar hankaki. Hankakin suka yi fada har daya ya kashe daya. A nan hankakan da ya yi kisan ya tona rami ya bunne dan uwansa da ya kashe. Wanda daga nan ne ‘ya 'yan Adam suka kwaikwayi wannan qaramin wasan kwaikwayo ta hanyar bunne ‘yan uwansu a duk lokacin da suka rasu. Samuwar Fim a Qasar Hausa Tarihin fara fina-finan Hausa (harkar da ta fi kafuwa a Kano) yana da dangantaka ta kai-tsaye da tarihin fara fina-finai a Nijeriya baki daya (Ali, 2004). Fim kuwa a Nijeriya ya samu tun kafin samuwar Nijeriya a matsayin qasa daya. An fara fim na farko a Nijeriya qarqashin kulawar Herbert Macauly a shekarar 1903 (Alfred, 1979; Ali, 2004). A daya bangaren kuma, ba a hada Kudu da Arewa (a matsayin qasa daya – Nijeriya) ba sai a shekarar 1914. Yayin da kuma aka ba wa Nijeriya ‘yancin kai a shekarar 1960 (Isichei, 1997; Douglas, 2004). Tsakanin shekarar 1903 zuwa 1970 an samu yunqurin shirya fina-finai da dama. Ali, (2004) ya kira su da rukunin fina-finan farko na ‘yancin kai. Masu hannu a cikin wadannan fina-finai sun hada da Nuhu Ramalam da Adamu Halilu. Bayan nan kuma, kamfanoni sun dauki nauyin shirya wasu fina-finai. Daga cikin wadannan fina-finan akwai ‘Shehu Umar’ da ‘Amadi’ da ‘Salla Durba’ (Ali, 2004). Fina-finan Hausa kuwa kamar yadda ake kallon su yanzu, an fara su ne tsakanin shekarar 1980 zuwa 1984 a Kano (Gidan Dabino, 2001). Fage, (2011) ya ce, fina-finan Hausa wadanda aka fi sani da fina-finan Kanawa sun fara samun karbuwa ne wajen 1990. A wannan lokaci an sami qungiyoyin fim guda uku da suka hada da (i) Gwauron Dutse, da (ii) Karate, da kuma (iii) Gyaranya, wadanda kuma duka sun wanzu ne a Kano. Fina-finan farko da aka fara gudanarwa qarqashin wadannan qungiyoyi su ne: ‘Hukuma Maganin ‘Yan Banza’ da ‘Yan Daukar Amarya’ da kuma ‘Baqar Indiya’. Wadanda suka dauki nauyin wadannan fina-finai su ne masu daukar nauyi na farko (first producers); Alhaji Hamisu da Muhammad Gurgu da kuma Sani Lamma (Gidan Dabino, 2001; Ali, 2004). Zagari Game da Fina-finan Hausa Idan aka yi la’akari da muhawarar masana da manazarta a kan alfanu da koma baya da fina-finai suke samar wa, za a iya cewa, fina-finan Hausa sun kasance hanjin jimina, akwai na ci a kwai na zubarwa. Haqiqa fina-finan suna taimakawa ta bhangarori da dama. Ali, (2004) ya ce, a tsawon qarnuka biyu da suke wuce, samuwar fina-finan Hausa shi ne hanyar habaka tattalin arziki mafi girma da ya samu ga al’ummar Hausawa. Sai dai duk da haka, manazarta irin su; Iyan-tama, (2004) da Alkanawy, (2000) suna ganin samuwar finafinan Hausa yana da illa ga al’ummar Hausawa. Wannan aiki ya kalli bangarorin biyu kamar haka: Amfanin Fina-finan Hausa Samuwar fina-finan Hausa ya zo da ci gaba ga al’ummar Hausawa ta fannoni da dama wadanda suka hada da: i. Samun Aikin Yi: Rukunin masu sana’o’i da dama suna cin gajiyar sana’ar shirya fina-finai. Wadannan rukunnai na masu sana’o’i sun hada da masana harkar fim, da marubuta da masu daukar hoto da masu shagon sayar da kaset da ma wasu masu sana’o’i daban-daban. Lallai ta nan za a iya cewa wannan ci gaba ne ga al’ummar Hausawa (Dumfawa, 2002; Malumfashi, 2002; Ali, 2004). ii. Bunqasa Al’adu da Adabi: Fim hanya ce da take taimakawa wajen bunqasa al’adu da adabin Hausa. Wani abin mai da hankali a nan shi ne, fim na taka rawar gani wurin tallata al’adu zuwa ga baren al’ummu. Fina-finan Haua da dama sukan shiga hannun wasu al’ummu wadanda ba Hasauwa ba da suke zaune a nan gida Nijeriya, har ma da na qasashen waje (Nwuneli in Ali, 2004). iii. Fadakarwa: Haqiqa fim hanya ce ta fadakar da al’umma game da lamura da dama. Akwai fina-finan Hausa da jigoginsu ke fadakarwa kan abubuwa kamar illar zafin kishi, ko qarshen mai munafurci, ko illar zato da zargi, ko cututtuka da ma wasu da dama makamantan wadannan (Chamo, 2004; Yakub, (2004). iv. Sada Zumunta: Fim din Hausa na taimakawa wajen qulla zumunci musamman tsakanin taurarin fim. Baya ga haka akwai fina-finai da suke jan hankali zuwa ga amfani da dacewa da buqatar sada zumunta (Chamo, 2004). v. Koyar da Tarbiyya: Akwai fina-finan Hausa da dama da suke dauke da jigon tarbiyya. Irin wadannan fina-finai suna fadakarwa zuwa ga biyayya ga iyaye (kamar fim din Linzami da Wuta), ko bin miji (kamar fim din Aljannar Mace) da sauransu (Chamo; 2004; Yakub, 2004). vi. Nishadantarwa: Haqiqa ana nishandantuwa daga kallon fina-finan Hausa. Akwai fina-finan Hausa da dama da aka gina jigonsu kan nishadi. Babban tauraro a bangaren fina-finan Hausa na nishadi shi ne marigayi Rabilu Musa wanda aka fi sani da dan Ibro (Chamo, 2004; Yakub, 2004). Illolin Fina-finan Hausa Masu iya magana suna cewa: “Kowane allazi da nasa amanu!” Haka abin yake ga fina-finan Haua. Manazarta da malaman addini sun dade suna nuni ga illoli da suke tattare ga fina-finan Hausa. Abubuwan da ake qorafin kansu sun hada da: i. Batar da Al’ada: Za a iya kwatanta fina-finan Hausa da maganar Bahaushe da ke cewa: “Ana yabonka salla ka kasa alwala.” Duk da ikirarin da ake yi na cewa fina-finan Hausa suna habaka al’ada, wasu na ganin ko kusa ba haka abin yake ba. Sun tafi kan cewa, a maimakon fina-finan su taimaka wajen habaka al’adun Hausawa, sai ma suna qara daqushe su ne kawai. Fina-finan Hausa na daqushe al’adun Hausawa ta hanyoyin da suka hada da: (a) Harshe: Wato yawan amfani da Ingausa tare da fifita harshen Ingilishi a kan na Hausa. (b) Sutura: Fifita suturun wasu al’ummu kamar Turawa da Indiyawa sama da na Hausa. (c) Muhalli: Watsi da muhallin Bahaushe tare da fifita na wasu al’ummu sama da na Hausawan (Chamo, 2004; Al-kanawy, 2004). ii. Shgaltarwa: Akwai manazarta da suke kallon fina-finan Hausa a matsayin hanya na shagaltar da al’umma daga wasu ayyuka da sha’anoni da suka fi dacewa. Wannan ya fi zama abin magana musamman idan aka kalle shi daga vangaren addini wanda bai zo da wasa ko shagala ba (Al-kanawy, 2004; Iyan-tama, 2004). iii. Fanxarewa: Akwai manazarta da suke kallon fina-finan Hausa a matsayin masu ruxi zuwa ga fanxarewa. Wannan na faruwa ne musamman idan aka duba irin shigar taurarin fina-finan waxanda suka ci karo da addini da kuma al’ada. Sannan tsaurin ido ga na gaba da sauran halayen banza da ake nunawa a cikin fina-finan (Al-kanawy, 2004; Iyan-tama, 2004) iv. Cuxanya Tsakanin Maza da mata: Xaya daga cikin manyan abubuwan da suka fi jan hankali, waxanda kuma suke jawo sukar fina-finan Hausa shi ne cuxanya tsakanin maza da mata. Wannan ya kasance musamman idan aka kalli lamarin ta fuskar addini (Iyan-tama, 2004). v. Waqa: Waqa ta kasance a cikin fina-finan Hausa tamkar gishiri a cikin miya. Manazarta na kallon hakan qalubale ne musamman idan aka yi la’akari da matsayin waqa a Musulunci. Manazarta da dama bayan waxannan sun tafi kan cewa fina-finan Hausa suna taka rawar gani matuqa wajen gurvata al’adun Hausawa. Manazartan sun haxa da: Xangambo, (2013) wanda ya ce, a wani fim xin idan da za a cire harshen da aka yi Magana a cikinsa (Hausa) to babu yadda za a iya danganta shi da Hausawa. Guibi da Bakori (2013) sun tafi kan cewa, telebishin na xaya daga cikin hanyoyi mafi sauqi da suke vata tarbiyyar Hausawa. Kiyawa, (2013) ya kawo wasu hanyoyi wadanda yake ganin ta nan ne fina-fina-finan Hausa suke ruguza al’adun Hausawa. Wadannan hanyoyi su ne: i. Sun ci karo da koyarwar addinin Musulunci ii. Rashin kyakkyawar wakilci ga al’adun Hausawa iii. Lalata tarbiyyar yara da matasa iv. Cusa baqin al’adu marasa nasaba da Addini da al’ada v. Nakasa ruhin auratayya vi. Samar da barna vii. Dogon buri (Kiyawa, 2013).