Maikanti Baru

Maikanti Baru
Rayuwa
Haihuwa	Misau, 1959
Mutuwa	29 Mayu 2020
Karatu
Makaranta	Jami'ar Ahmadu Bello
Sana'a

Maikanti Kachalla Baru (an haife shi a watan Yulib shekarar 1959 - 2020) injiniya ne kuma tsohon shugaban Hukumar Dillancin Mai ta Nijeriya. Ya riƙe muƙamin ne daga watan Yuli na shekarar 2016 zuwa watan Yuli na shekarar 2019. Baru memba ne a Hukumar Injiniyoyi ta Nijeriya.

Rayuwarsa da karatunsa

An haifi Baru a cikin Yulin shekarar 1959 a Misau, Jihar Bauchi. Yayi makarantar Kwalejin Gwamnatin Tarayya a Jos inda ya gama a shekarar 1978. Daga bisani ya wuce Jami'ar Ahmadu Bello dake Zariya inda ya samu digirin Injiniyanci a shekarar 1982. Har ilayau, Baru yana da digirin digir-gir akan kimiyyar injiniyanci ta komfuta wanda ya samu daga jami'ar Sussex dake a ƙsar Ingila..

Aikin gwamnati

Baru ya fara aikin gwamnati ne da wani kamfanin gidan rodi na Jos na kimanin shekara ukku daga shekarar 1988 zuwa shekarar 1991. A shekarar 1991 ne ya fara aiki da kamfanin mai na ƙasa NNPC a matsayin manajan injiniya. A kamfanin NNPC ya riƙe muƙamai da dama daga ciki harda Janaral Manaja na sashen Gas, muƙamin da ya riƙe daga shekarar 1997 zuwa shekarar 1999.

An naɗa Baru ne a matsayin babban Janaral Manaja na kamfanin NNPC a ranar 4 ga watan Yuli na shekarar 2016. Kuma yayi ritaya a ranar 7 ga watan Yuli na shekara 2019 bayan da aka naɗa Mele Kyari a matsayin sabon Janaral Manaja.