Miriam Onuoha

Miriam Onuoha
mamba a majalisar wakilai ta Najeriya, 29 ga Janairu, 2020 - District: Isiala Mbano/Okigwe/Onuimo
Rayuwa
Haihuwa	Najeriya, 18 Satumba 1965 (59 shekaru)
ƙasa	Najeriya
Karatu
Makaranta	Jami'ar jahar Lagos Digiri a kimiyya Jami'ar Abuja Master of Science (en)
Sana'a
Sana'a	ɗan siyasa

Princess Miriam Odinaka Onuoha ‘yar siyasa ce ta jam’iyyar All Progressives Congress daga jihar Imo, Najeriya. 'Yar majalisar wakilan Najeriya ce daga mazabar Okigwe ta Arewa. Ta sake samun nasarar zama 'yar majalisar wakilai na tarayya a watan Janairun 2020. An ayyana Obinna Onwubuariri na PDP a matsayin wanda ya lashe zaben na 2019, amma kotun sauraren kararrakin zaben majalisar kasa da ke Owerri a watan Satumbar shekarar 2019, ta kori Obinna Onwubuariri, kuma ta ba da umarnin sake sabon zabe a watan Janairun 2020. Ta sake cin zabe ne bayan kotun sauraren kararrakin zabe da ta zauna a watan Agusta 2020 ta tabbatar da nasararta a zaben watan Janairun 2020.

Farkon Rayuwa da Ilimi

Princess Miriam ‘yar asalin Umunachi Osu-Ama ce a karamar hukumar Insiala Mbano ta jihar Imo. Ta fara karatun ta na yarinta a Makarantar Central Umunachi Osu-Ama sannan kuma Tilley Gyado College Markudi a jihar Benue. Ta halarci makarantar sakandaren Aquinas Model Osu-Ama kuma a nan ne ta sami shaidar kammala karatun sakandare. Ta ci gaba da karatu a Jami'ar Legas kuma ta kammala karatun digiri a fannin harkokin Gidaje (Estate Management). Ta zarce Jami'ar Abuja inda ta kammala digiri na biyu a kan Tsarin Muhalli da Kariya (Environmental Planning and Protection).

Ayyuka

Kafin ta shiga majalisar wakilai ta tarayya, ta yi aiki a matsayin babbar mataimakiya ta musamman ga gwamnan jihar Bayelsa kan Hadin Kan cigaban Kasashen Duniya a tsakanin sauran harkokin siyasa da suka gabata.