Moses Armah

Moses Armah
Rayuwa
Sana'a
Sana'a	ɗan kasuwa

Moses Armah 'Parker' Dan kasuwa ne dan kasar Ghana, mai kula da kwallon kafa kuma a halin yanzu shi ne mai kula da shugabancin Medeama SC da kuma shugaban rukunin kamfanonin Mospacka wanda ya hada da Medeama FM.

A watan Yulin na shekara ta 2010, dan kasuwar ya kammala karbe ikon Kessben FC akan kudi dalar Amurka 600,000 kuma ya sake mata suna Medeama SC.

A yayin babban zaben kungiyar kwallon kafa ta Ghana na shekara ta 2019 Moses Armah ya wakilci Medeama SC a matsayin wakili kuma ya kada kuri'a a madadin kungiyar.

Kafofin yada labarai na Ghana da dama sun ruwaito cewa yana da hannu a rikicin da tsohon dan wasan tsakiya na AC Milan Sulley Ali Muntari a lokacin gasar cin kofin duniya na FIFA a shekara ta 2014 da Ghana ta buga a Brazil. A halin da ake ciki, a wata hira da gidan rediyon Ghana Happy FM Moses Armah a shekarar 2016 ya ce ya yafewa Muntari kan lamarin. An kora Muntari zuwa gida da wuri daga sansanin Ghana tare da Kevin-Prince Boateng saboda lamarin. Tsohon kocin Ghana James Kwesi Appiah ya bayyana cikakken bayani game da lamarin a littafinsa mai suna Leaders Don't have to Yell.

Bayan samun Medeama a shekara ta 2010 Moses Armah ya ci gaba da daukaka martabar kulob din yayin da ya wakilci Ghana sau biyu a gasar kungiyoyin kwallon kafa ta Afirka ta hanyar taka leda a gasar cin kofin CAF Confederation a shekarun 2014 da 2016.

Ya kuafa Wassaman FC wanda a watan Yuli 2013 aka canza mata suna zuwa Emmanuel Stars FC kuma Fasto TB Joshua ya siye ta.

Girmamawa

A watan Nuwamba 2018 aka karrama Moses Armah a kasar Canada saboda gudunmawar da ya bayar wajen bunkasa kwallon kafa a yammacin Afrika.

Ya jagoranci Medeama SC don doke Asante Kotoko don lashe Kofin FA na Ghana a shekarar 2015. Hakan ya biyo bayan irin nasarar da aka samu a kan wannan bangaren Kotoko shekaru biyu da suka gabata.