Olayide Adelami

Olayide Adelami
Deputy Governor of Ondo State (en) ga Faburairu, 2024 -
Rayuwa
Haihuwa	Ondo,
ƙasa	Najeriya
Karatu
Makaranta	Kwalejin Kimiyya da Fasaha, Ibadan Jami'ar jahar Lagos Jami'ar Olabisi Onabanjo
Harsuna	Turanci
Sana'a
Sana'a	ɗan siyasa da accountant (en)
Wurin aiki	Jahar Ondo
Imani
Jam'iyar siyasa	All Progressives Congress

Olayide Owolabi Adelami (an haife shi a ranar 3 ga watan Afrilu 1958) ɗan siyasan Najeriya ne wanda ya zama mataimakin gwamnan jihar Ondo tun a ranar 1 ga watan Fabrairu 2024. Ya taɓa zama mataimakin magatakarda na Majalisar Dokoki ta ƙasa.

Rayuwar farko da ilimi

An haifi Adelami a Owo, Jihar Ondo, Najeriya. Ya yi karatun firamare a St. Francis Catholic Primary School, sannan ya ci gaba a Kwalejin Imade da ke Owo. Ya sami takardar shaidar matakin GCE A daga The Polytechnic, Ibadan. Adelami ya samu digirin sa na BSc a fannin harkokin kasuwanci a jami'ar Legas, inda ya yi digirinsa ( Masters) a irin wannan kwas a jami'ar jihar Ogun, sannan ya yi digirin digirgir a fannin tsaro da dabarun bincike daga jami'ar jihar Nasarawa.

Sana'a

Adelami ya yi aiki a matsayin akawu a watan Disamba 1983, a Hukumar Ma'aikata ta Tarayya. Daga shekarun 1996 zuwa 2000, an naɗa shi a manyan ofisoshi ciki har da babban asibitin ƙasa, Abuja.

Adelami ya zama shugaban sashin kuɗi da asusu na majalisar tarayya a jihar Ondo har zuwa shekarar 2007, inda aka naɗa shi darakta. Ya yi babban kwas na gudanarwa daidai kwas na 54 a Cibiyar Nazarin Siyasa da Dabarun Ƙasa a shekarar 2008. A shekarar 2014, Adelami ya samu muƙamin babban sakatare na hukumar saye da sayarwa, gidaje da ayyuka, rawar da ya taka har zuwa lokacin da aka naɗa shi a matsayin mataimakin magatakarda na majalisar dokoki ta ƙasa (Nigeria).

Adelami ya fara aikin siyasa na cikakken lokaci a shekarar 2018, a ƙarƙashin jam'iyyar All Progressives Congress. Gwamna Lucky Aiyedatiwa ne ya naɗa shi mataimakin gwamnan jihar Ondo a ranar 24 ga watan Janairun 2024, sannan kuma ya rantsar da shi a ranar 1 ga watan Fabrairu 2024.