Per mertesacker

Per mertesacker
Rayuwa
Haihuwa	Hanover, 29 Satumba 1984 (40 shekaru)
ƙasa	Jamus
Ƴan uwa
Mahaifi	Stefan Mertesacker
Abokiyar zama	Ulrike Stange (en) (2013 -
Karatu
Harsuna	Jamusanci
Sana'a
Sana'a	ɗan wasan ƙwallon ƙafa
Hanya
	Mahalarcin 2014 FIFA World Cup (en) ; 2010 FIFA World Cup (en) ; 2006 FIFA World Cup (en) ; UEFA Euro 2008 (en) ; UEFA Euro 2012 (en) ;
Muƙami ko ƙwarewa	centre-back (en) ; Mai buga baya
Tsayi	200 cm
Kyaututtuka	gani Silbernes Lorbeerblatt : Joachim Gauck (2014) ;
IMDb	nm1851124

Per Mertesacker An haife shi (29 ga watan September, 1984) ya kasance mai bada horo wato koci na Kasar jamus, sannan kuma dan wasa ne wanda yake buga baya. Kuma yanzu haka mai bada horo ne ko kuma koci a karamar kungiya ta Arsenal.

Mertesacker ya fara gudanar da rayuwar shi ta kwallo bayan ya samu ci gaba tun yana dan saurayi inda ya samu damar doka gasar Bundesliga a wata kungiya mai suna Hannover96, inda ya fara buga wasa a matsayin kwararren dan wasa a shekarar alif 2003. Yana doka wurin baya ne a matsayin wurin da yake bugawa. Dan wasa ne mai natsuwa da kuma tarbiya sosai a cikin fili. Dan wasan ya buga wasanni 31 a lig ba tare da an fiddashi ba. Bayan namijin kokarin da yayi ma kungiyar tashi ta Hannover96 da kuma bajintar da yayi a kasarsa wato Jamus inda ya kasance yana cikin jerin yan wasan da suka buga gasar kofin duniya wadda akayi a shekarar alif 2006 inda ya buga gasar yana dan shekara ashirin da daya 21. Yabar kungiyar ta Hannover96, inda ya doka wasanni har guda 74 a kungiyar a gasar lig, daga bisani kuma ya koma kungiyar kwallan kafa ta Werder Bremen akan jumillar kudi £5m. Zamaninshi a kungiyar Bremen din abun yabawa ne inda ya nuna jajircewa da kuma juriya ta hanyar tare farmaki da kuma sanya ma abokan wasanshi nutsuwa. Sakamakon hakan, ya samu babbar nasara a wannan kungiya inda ya samu nasarar lashe DFB Porkal tare da kungiyar tashi a shekarar alif 2009. Sannan kungitar ta kare a cikin masu tsere na cin kofin UEFA Cup.

Bayan yabo da karbuwa da dan wasan ya samu a gasar kofin duniya na shekarar 2010, dan wasan ya matsa gaba inda yaje gasar Premier league inda ya kulla yarjejeniya da kungiyar Arsenal da jumillar kudi £8m. A kungiyar Arsenal, dan wasan ya shiga cikin mutum 11 na farko inda ake ganin yayi sa'a da kuma saurin shiga saboda yanayin girma da kuma kwararrun yan wasa da kungiyar keda su. Dan wasan ya shiga cikin manyan masu tsaron gida a kungiyar da kuma duniya ma baki daya. Ana yaban dan wasan akan kwanciyar hankali da nutsuwa da yake da ita. Dan wasan ya samu kyakyawar alaka da abokin aikinsa wanda suke tsaron gida tare wato Laurent Koscielny inda suka samu jituwa a cikin fili idan suna doka wasa. Sun shafe shekaru tara suna wasa tare kuma sun samu nasarar lashe gasanni da dama tare inda suna lashe kofin karshe a shekarar 2014 wanda suka buga da kungiyar Aston villa. Inda suka lallasa kungiyar Aston villa din daci 4-0 yayin da dan wasan ya samu damar jefa kwallo a raga.

Dan wasan ya zama captain na kungiyar Arsenal din saboda cancantar da yake da ita ta fannoni da dama. Daga bisani kuma ya dinga samun rauni ya dinga yawan yin jinya akai akai wanda hakan ne yasa ya ajiye tamaula a shekarar 2018.

Salon wasa

Mertesacker dan wasa ne mai tsayi inda tsawon sa yakai 1.98m (6 ft 6 in). Dan wasan ya kasance sarki ne a saman iska domin yana da tsayi kuma ya iya sama kwallo kai. Kuma yakanci kwallaye da kai, kuma yana hana aci da kai. Kamar yadda yake sarki a sama, haka zalika a kasanma ba a baro shi a baya ba domin yana da basira ga kuma wayo da hikima da ze tare dan gaba kuma ya hana aci kwallo. Yana amfani da karfinsa domin ya anshi kwallo. Duk da cewa beda gudu sosai, amma yakan karanci wasa da kuma abokan hamayya domin ya kwaci kwallo daga hannunsu. Dan wasan be cika yin keta ba hakanan, yakanyi dubara ya kuma yi amfani da basira wajan ansar kwallo.

Mertesacker dan wasa ne mai basira kuma wanda yake natsar da kwallo domin ta wadaci kowa. Anyi ittifakin cewa dan wasan yana daya daga cikin wadanda suke fin kowane dan wasa taba kwallo duk wasa.

Manzarta

https://en.wikipedia.org/wiki/Per_Mertesacker for 2017/18 Premier League confirmed". Premier League. 1 September 2017. Retrieved 8 September 2017.

"Per Mertesacker 'raps Ice Ice Baby' in delightful mash-up". Metro. 2 July 2014. Retrieved 17 December 2018