Pramila Patten

Pramila Patten
Special Representative of the Secretary-General on Sexual Violence in Conflict (en) 12 ga Afirilu, 2017 - ← Zainab Bangura mai shari'a
Rayuwa
Haihuwa	British Mauritius (en) , 29 ga Yuni, 1958 (65 shekaru)
ƙasa	Moris
Sana'a
Sana'a	university teacher (en) , Barrister da official (en)
Employers	Majalisar Ɗinkin Duniya

Pramila Patten (An haifeta ranar 29 ga watan Yuni shekara ta 1958). Barista ce 'yar Mauritius-British, mai fafutukar kare hakkin mata, kuma jami 'an Majalisar Dinkin Duniya, wanda a halin yanzu take aiki a matsayin Wakilin Majalisar Dinkin Duniya na musamman kan cin zarafin mata a cikin rikice-rikice da kuma mataimakin babban sakataren Majalisar Dinkin Duniya; an nada ta a shekarar, 2017. An kafa ofishinta da ƙudurin Majalisar Tsaro mai lamba, 1888, wanda Hillary Clinton ta gabatar da ita, kuma ta gaji Margot Wallström da Zainab Bangura.

Patten ta kasance memba a kwamitin Majalisar Dinkin Duniya kan kawar da wariya ga mata daga shekarar, 2003 zuwa 2017, kuma ita ce mataimakiyar shugabar kwamitin.

Rayuwa

Pramila Patten ta sami digiri na Law (LL.B.) a Jami'ar London, Diploma a Criminology a King's College, Cambridge, Jagoran Dokoki (LL.M.) a Jami'ar London kuma an kira ta zuwa Bar a Ingila a matsayin memba na Grey's Inn. Ta yi aiki a matsayin lauya a Ingila daga Shekara ta, 1982 zuwa 1986 kafin ta koma Mauritius, inda ta yi aiki a matsayin alkalin kotun gundumar tsakanin 1987 zuwa 1988, kuma daga shekara ta, 1987 zuwa 1992 a matsayin malami a tsangayar shari'a ta Jami'ar Mauritius. Tun a shekara ta, 1995, ta yi aiki a matsayin darektan kamfanin lauyoyi Patten & Co Chambers.

Ta kasance memba a kungiyar kare hakkin mata ta kasa da kasa tsakanin shekarar, 1993 zuwa 2002, kuma daga 2000 zuwa 2004 ta kasance mai ba da shawara ga Ma'aikatar 'Yancin Mata, Ci gaban Yara da Kula da Iyali.

An zabi Patten a matsayin memba a kwamitin Majalisar Dinkin Duniya kan kawar da wariya ga mata a shekara ta, 2003. A wasu lokuta, ta kasance mataimakiyar shugabar kwamitin. A cikin shekara ta, 2017, ta yi murabus daga kwamitin kuma a ranar 12 ga watan Afrilu shekara ta, 2017, Sakatare-Janar na Majalisar Dinkin Duniya António Guterres ya nada ta a matsayin wakili na musamman kan cin zarafin mata a cikin rikici tare da matsayi na mataimakiyar Sakatare-Janar na Majalisar Dinkin Duniya.

A cikin watan Nuwamba shekara ta, 2017, ta ziyarci Bangladesh don yin hira da wadanda suka tsira daga zaluncin Rohingya na shekara ta, 2016 a Myanmar.

A wannan watan, ta yi maraba da shirin Elsie don taimakawa wajen ƙara yawan shigar mata a ayyukan wanzar da zaman lafiya a cikin wata sanarwa ta haɗin gwiwa tare da takwarorinsu mataimakiyar Sakatare-Janar na Majalisar Dinkin Duniya kuma Babban Darakta na Mata na Majalisar Dinkin Duniya Phumzile Mlambo-Ngcuka.