Ramatu Yar'adua

Ramatu Yar'adua
Rayuwa
ƙasa	Najeriya
Ƴan uwa
Abokiyar zama	Murtala Shehu Yar'adua (en)
Karatu
Makaranta	Coventry University (en) Bachelor of Arts (en)
Sana'a
Sana'a	ɗan siyasa

Ramatu Yaradua kwamishiniya ce ta Hannun jari, Kasuwanci da Masana'antu na jihar Neja a Najeriya

Rayuwa da Ilimi

Ramatu ta taso ne daga wani ƙauye mai suna Enagi na ƙaramar hukumar Edati a jihar Neja. Ta fara karatun firamari a Adrao International School, Lagos, daganan sai ta cigaba a ƙasar Birtaniya a makarantar Ibstock Place School London. Ta karanta ilimin harkokin kasashen waje (International Relations) da kuma harshen Turanci a jami'ar Coventry University, inda ta gama da sakamakon matakin second class upper.

Aiki

Ramatu ta fara aiki a matsayin mai kula da aiki a ma'aikatar kwantiragi da ake kira Platform Nigeria Limited, sananun ma'aikatar da ta kera gidajen haya na "Gwarimpa Estate", Abuja. Daga bisani an kara mata matsayi zuwa manajan kasuwanci (Marketing Manager), inda take kula da tasirin ayyuka da sakamako na gari na kamfanin. Bayan ta ajiye aiki da kamfanin Platfrom Limited, Rahmatu ta fara aiki da kamfanin MicroAccess Limited, daya daga cikin wadanda suka fara samar da ayyukan bayanai da sadarwa a Najeriya, a matsayin babbar mai kula da harkokin kasuwanci. A yayin da take aiki a wannan kamfanin, ita ke kula da wasu manya manya ayyukan kamfanin kamar su Babban Asibitin Najeriya dake Abuja, Ma'aikatar Corporate Affairs Commission da kuma Tarayyar Najeriya.

Har wayau, Ramatu tayi aiki a matsayin darakta a ma'akatar Hamble Group ta kasar Burtaniya, sannan a yayin da ta dawo gida nahiyar Afurka, Ramatu ta cigaba da rike matsayin Darakta na Hamble Group (Afurka).

Siyasa

Ta kasance tsohuwar kwamishiniyar kasuwanci da masana'antu da bada jari na jihar Neja.

Rayuwar ta

Ta auri Alh Murtala Shehu Yar’adua, tsohon ministan tsaro na Najeriya.

Mahaɗun waje

• https://minvestment.nigerstate.gov.ng Archived 2020-11-27 at the Wayback Machine