Titilayo Laoye-Tomori

Titilayo Laoye-Tomori
Mataimakin Gwamnan Jihar Osun
Rayuwa
Haihuwa	22 Disamba 1948 (76 shekaru)
ƙasa	Najeriya
Sana'a
Sana'a	ɗan siyasa

Tutar kasarta nigeria

Otunba Grace Titilayo Laoye-Tomori (an haifeta a watan December 21, shekara ta alif 1948), tsohuwar mataimakiyar gwamnan jihar Osun ce, Nijeriya kuma ta rike matsayin Kwamishinan Ilimi. Ana mata inkiya da “Ipinle Omoluabi” a yaren Yarbanci.

Farkon Rayuwa da Ilimi

Titilayo Laoye-Tomoru (an haife ta a ranar 22 ga watan Disamba, shekarar 1948) an haife ta a Osogbo, babban birnin jihar Osun, ga iyalin Amon Oyeyemi Laoye. Ta fara karatun ta ne a makarantar St. Catherine Girls Grammar School Owe, sannan kuma Kwalejin Victory College, Ikare, kafin daga bisani ta cigaba daga Jami'ar Legas kuma ta kammala karatun digiri na farko a fannin tarihi a shekarar 1973. Ta sama shaidar difloma a fannin ilimi na (PGDE) a shekara ta 1978 sannan kuma ta samu digiri na biyu "Masters" a Public Administration a shekara ta 1984.

Ayyuka

Bayan ta kammala karatun ta a Jami'a, sai ta tafi Bautar Kasa na NYSC na shekara guda. Bayan ta gama bautar kasan na NYSC, an dauke ta a matsayin jami’ar ilimi a Ma’aikatar Ilimi ta Tarayya a shekarar alif 1974. Ta yi aiki a can har tsawon shekaru shida kafin ta samu matsayin mataimakiyar magatakarda (registra) a Jami'ar Legas. Ita ce Babbar Mataimakin Magatakarda a lokacin da ta bar Jami'ar a shekarar alif 1989. A lokacin da take jami'ar ta rike matsayin "faculty officer", "establishment officer" da "admissions officer".

Daga bisani ta cigaba da aiki da kamfanin Coopers & Lybrand International, PFM Consulting Limited, and Industrial and General Insurance Plc. Har wayau, ta kafa kamfanin ta na ba da shawarwari wato Quints Management Consultants. An nada ta a Hukumar Kula da Lafiya ta Duniya da ke Iyakantacce, Kungiyar Kula da Kiwon Lafiya (HMO) a matsayin babban darakta, mai kula da kudi da kuma Gudanarwa.

Dangane da alakar ta da jam'iyyar Action Congress of Nigeria, ta fito takarar matsayin mataimakiyar Gwamna Ogbeni Rauf Adesoji Aregbesola a zaben shekara ta 2007. Hukuncin da Kotun daukaka kara ta yanke a ranar Juma’a 26 ga watan Nuwamba, shekara ta 2010 ya sanya su a ofis bayan shari’ar da aka kwashe shekara uku ana yi.

Rayuwar mutum

Tana da aure kuma yara huɗu da jikoki tara. A shekarar 2019, a lokacin da take shekaru 70, ta auri mai kamfanin MiCom, Prince Michael Ponnle, wanda ke da shekaru 80 a lokacin.