Yushau Anka

Yushau Anka
mamba a majalisar dattijai ta Najeriya 3 ga Yuni, 2003 - 5 ga Yuni, 2007 District: Zamfara West mamba a majalisar dattijai ta Najeriya 1999 - 2003 District: Zamfara West
Rayuwa
Haihuwa	Jihar Zamfara, ga Afirilu, 1950 (73/74 shekaru)
ƙasa	Najeriya
Sana'a
Sana'a	ɗan siyasa
Imani
Jam'iyar siyasa	Peoples Democratic Party

Alhaji Yushau Mohammed Anka (Afrilu 1950 - 12 ga Oktoba 2020) an zaɓe shi Sanata mai wakiltar Mazaɓar Zamfara ta yamma a jihar Zamfara, Najeriya a farkon jamhuriya ta huɗu ta Najeriya. wanda ya tsaya takara a ƙarƙashin jam'iyyar People's Democratic Party (PDP). Ya riƙe muƙamin daga Mayu 1999 zuwa Mayu 2007.

Tarihin Rayuwa

An haifi Anka a cikin Afrilun shekarar 1950, kuma ya sami digiri na M.Sc a fanin (Business Administration).

Siyasa

An zaɓe shi sakataren kudi na kasa na jam'iyyar National Republican Convention (NRC) a lokacin jamhuriya ta uku ta Najeriya. Ya tsaya takarar gwamnan jihar Zamfara a jam’iyyar PDP a shekarar 1999, amma ya sha kaye a hannun Ahmed Sani Yerima na jam’iyyar All Nigeria People’s Party ANPP.

Madafun iko

Bayan ya hau kan kujerar majalisar dattawa a watan Yunin shekarar 1999, an naɗa shi a kwamitocin da’a, harkokin kasashen waje, harkokin ‘yan sanda (mataimakin shugaban kasa), kasuwanci, harkokin cikin gida da harkokin gwamnati.

A watan Agustan shekarar 2001, ya ce shirin Gwamnatin Tarayya na rage raɗaɗin talauci yana raba kuɗaɗe ne kawai ga magoya bayan siyasa maimakon rage raɗaɗin talauci. Anka ya canza sheka zuwa jam'iyyar ANPP a wa'adinsa na biyu na majalisar dattawa. A watan Mayun 2006, Anka ya yi magana game da shawarar sauya kundin tsarin mulki ta yadda shugaba Olusegun Obasanjo zai iya tsayawa takara karo na uku na shekaru huɗu.

Mutuwa

Ya rasu ranar 12 ga watan Oktoban shekarata 2020.