Detty December

Wasu Bakar fata a wajen bikin Afrochella a Ghana.

Disamba A Ghana, wanda aka fi sani da Detty Disamba, al'adu ne da al'amari da ya samu shahara tare da shirin " Shekarar Komawa " da gwamnatin Ghana ta kaddamar a shekarar 2019. Yana nufin bukukuwan ƙarshen shekara a Ghana, yawanci ana yin su daga tsakiyar Disamba zuwa sabon shekara. Wannan al'ada, wadda ta samo asali daga tarihin ƙasar, ta girma zuwa wani gagarumin al'adu da tattalin arziki, wanda ke jawo miliyoyin baƙi daga ƙasashen duniya a kowace shekara zuwa Ghana.

Ƙirƙira

Yayin da ainihin asalin kalmar "Detty Disamba" ya kasance mara tabbas, An samo "Detty" daga kalmar "datti." Wannan yana nuna alamar shirye-shiryen rungumar jin nishadi, samun lokaci mai daɗi, da shiga cikin bukukuwa sabon shekara da farin ciki. A tsawon lokaci, wannan furuci ya kasance daidai da bukukuwan al'adu da aka gudanar a Accra da Legas a cikin watani Disamba da Janairu.

Tarihi

Kafin yaɗuwar kalmar "Detty Disamba," 'yan Ghana mazauna ƙasashen waje sun saba ziyartar ƙasarsu a lokacin Kirismati, al'adar da ta fi dacewa ga iyalai da yawa. Duk da haka, ra'ayin ya ɗauki sabon salo tare da Shekarar Komawa, wanda ya yi bikin cika shekaru 400 na zuwan ƴan Afirka da ake kwasa baayi a Arewacin Amirka . Wannan yunƙuri, da nufin sake haɗa al'ummar Afirka ta duniya da tushensu, ya haifar da al'adar "Detty December" a matsayin aikin hajjin al'adu zuwa Ghana a cikin watannin Disamba.

Tasiri da Haraji

Tun daga farkon shekarar dawowar Ghana, Ghana ta samu bunkasuwa a fannin yawon bude ido da ci gaban tattalin arziki. A cikin bikin na tsawon shekara guda, masu yawon bude ido har miliyan 1.5 da suka hada da mashahurai, 'yan siyasa, da shugabannin kasashen duniya, sun ziyarci kasar, inda suka bayar da gudunmawar kudaden shiga da aka kiyasta ya kai dala biliyan 1.9. Bangaren yawon bude ido ya ga karuwar kashi 18% a bakin haure daga kasashen Amurka, Biritaniya, Caribbean, da sauran kasashe. Jimillar masu zuwa filin jirgin sama ya karu da kashi 45 cikin ɗari, wanda ke nuna gagarumin tasirin shirin kan tattalin arzikin ƙasar.

Kiyasin kashewa ga kowane ɗan yawon buɗe ido ya tashi sosai daga $1,862 a cikin 2017 zuwa adadi na yanzu na $2,589. Wannan kwararar kudaden shiga na nuna mahimmancin tattalin arzikin Detty Disamba da ayyukan shekarar dawowa kan tattalin arzikin Ghana.

Fitattun Al'adu

Detty Disamba ana yiwa alama da ɗimbin al'amuran al'adu, kide-kide, da bukukuwa. Musayar al'adu tsakanin ƴan ƙasar Ghana da ƴan ƙasashen Afirka mazauna turai na bayyana a cikin jerin kade-kade, da ke nuna hazaka na gida da waje. Mambobin kasashen Afirka mazauna turai da dama da suka hada da taurarin fina-finan Hollywood bakar fata, an ja hankalinsu zuwa kasar Ghana, inda suke halartar bikin tare da ba da gudummawarsu.

Tun daga shekarar 2022, Ghana ta ƙara sauƙaƙe wannan al'ada ta hanyar yin watsi da buƙatun biza ga duk masu shigowa cikin watannin Disamba da Janairu.