Godwin Emefiele
 Godwin Emefiele | |||
|---|---|---|---|
_(cropped).jpg) | |||
3 ga Yuni, 2014 - 9 ga Yuni, 2023 ← Sarah Alade | |||
| Rayuwa | |||
| Haihuwa | Agbor, 4 ga Augusta, 1961 (63 shekaru) | ||
| ƙasa | Najeriya | ||
| Karatu | |||
| Makaranta | Jami'ar Najeriya, Nsukka | ||
| Sana'a | |||
| Sana'a | Ma'aikacin banki | ||
|
Mahalarcin
| |||
.jpg)
Godwin Emefiele, Ma'aikacin banki ne a Najeriya wanda ya rike mukamin gwamnan Babban Bankin Najeriya tun ranar hudu 4 ga watan Yunin shekarar alif dubu biyu da goma sha hudu 2014, har zuwa ranar tara 9 ga watan Yuni, shekarar alif 2023. Wanda bayan hawan sabon shugaban Nigeria Bola Ahmed Tinubu yadakatar da shi saboda korafi da zarge-zargen almundahana da laifin daya shafi tsaron kasa. An haife shi a ranar hudu 4 ga watan Agusta shekarar ta alif ɗari tara da sittin da ɗaya 1961, A jihar Legas ta Najeriya. Emefiele ɗan asalin Ika South ne, yankin Agbor na Jihar Delta.[1][2][3]
Ilimi
[gyara sashe | gyara masomin]Emefiele ya halarci makarantar firamare ta Ansar Udin da Maryland Comprehensive Secondary duk a Jihar Legas, kafin ya wuce babbar Jami’ar Najeriya Nsukka (UNN) don yin karatunsa na uku. Ya samu digirin farko a fannin banki da hada-hadar kudi, inda ya kammala a matsayin daya daga cikin manyan daliban ajinsa, a shekarar alif dari tara da tamanin da hudu, 1984. Jim kadan bayan hidimar matasa ta kasa, Godwin Emefiele ya koma UNN don samun digiri na biyu a fannin kudi, wanda ya samu a shekarar alif dari tara da tamanin da shida, (1986). Hakanan tsohon ɗalibi ne na Ilimin zartarwa a Jami'ar Stanford, Jami'ar Harvard shekarar alif dubu biyu da hudu (2004) da Makarantar Kasuwancin Wharton shekarar alif dubu biyu da biyar (2005). Jami’ar Nsukka ta Najeriya (UNN) ta ba Gwamnan Babban Banki, Mista Godwin Emefiele digirin girmamawa a fannin harkokin kasuwanci.[4]
Sana'a a kamfanoni masu zaman kansu
[gyara sashe | gyara masomin]A farkon aikinsa, Emefiele ya karantar da harkokin kudi da inshora a Jami'ar Najeriya Nsukka, da Jami'ar Fatakwal, bi-da-bi. Ya kuma dan yi aiki da vodafone.
Kafin ya koma babban bankin kasa, Emefiele ya samu gogewar aikin banki sama da shekaru goma sha takwas. Ya yi aiki a matsayin babban jami’in gudanarwa kuma darakta mai gudanarwa na bankin Zenith Plc. Emefiele ya kasance mataimakin manajan darakta na bankin Zenith Plc. daga shekarar dubu biyu da daya, 2001. Ya yi aiki a matsayin babban darakta mai kula da hada-hadar banki, (baitulmali), kula da harkokin kudi da tsare-tsare na bankin Zenith Plc, kuma ya yi aiki a kungiyar gudanarwa tun farkonsa. Emefiele ya yi aiki a matsayin darakta a bankin Zenith Plc da Zenith Bank ( Gambia ) Limited. Emefiele yana aiki a matsayin daraktan ACCION Microfinance Bank Limited.[5]
.jpg)
Gwamnan babban bankin kasa
[gyara sashe | gyara masomin]Emefiele ya kasance gwamnan babban bankin Najeriya tun shekarar dubu biyu da goma sha hudu 2014.[6] A wa'adinsa na farko, ya kula da tsarin shiga tsakani na kudin shiga bisa umarnin fadar shugaban kasa, inda ya samar da Naira ta Najeriya ta hanyar fitar da biliyoyin daloli a kasuwar canji. Ya kuma bullo da tsarin canjin kuɗi da yawa, don kokarin rufe matsi ga Naira da kuma kaucewa raguwar darajar kima. [7]
A shekarar alif dubu biyu da goma sha tara 2019, Majalisar Dattawan Najeriya ta amince da wa'adin shekaru biyar kashi na biyu ga Emefiele. [8] Wannan shi ne karo na farko da kowa zai yi wa’adi na biyu tun bayan komawar Najeriya kan turbar dimokuraɗiyya a shekarar alif dubu daya da dari tara da casa'in da tara 1999. [9] Sanata Bukola Saraki ya karanta wasikar shugaba Buhari a ranar Alhamis, tara 9 ga watan Mayu, shekarar alif dubu biyu da goma sha tara 2019. An tantance shi a ranar Laraba kuma tabbatarwarsa ta zo ne a ranar Alhamis, 16 ga Mayu, 2019.
Rigima
[gyara sashe | gyara masomin]A wani mataki da ba a taɓa ganin irinsa ba na duk wani shugaban babban bankin Najeriya, Godwin Emefiele ya tsunduma cikin siyasa na bangaranci da tsarin dokar babban bankin kasar wanda ya tanadi cewa dole ne wanda ke rike da mukamin gwamna ya ci gaba da kasancewa a siyasance da cin gashin kansa a kowane lokaci, domin kiyaye yanayin bangaranci.
A watan Mayun 2022, Emefiele ya jawo fushin jama'a lokacin da aka bayyana cewa yana neman ya maye gurbin shugaba Muhammadu Buhari a zaben shugaban kasa na 2023. Abin da ya fara kamar jita-jita, lokacin da fastocin yakin neman zaben shugaban bankin suka mamaye babban birnin tarayya na Abuja ba da jimawa ba sai da gungun wasu da ake zargin manoman shinkafa ne suka sayi fom din shugaban kasa na jam’iyyar All Progressive Congress A.P.C na Gwamnan CBN. A cikin jerin sakonnin da ya wallafa a shafinsa na Twitter, Emefiele ya ki amincewa da fom din shugaban kasar tare da bayyana cewa ba shi da niyyar tsayawa takara. Sai dai kuma cikin hanzari Emefiele ya shigar da kara a babbar kotun tarayya da ke Abuja yana neman kotu ta ba hukumar zabe da ofishin babban lauyan gwamnati umarnin kada su hana shi tsayawa takarar shugaban kasa. Kotu ta yi watsi da bukatar, amma ta gayyaci ƴan wasan biyu da su gabatar da jawabi a hukumance kan dalilin da ya sa ba za a amince da bukatar Emefiele ba. A yanzu haka Emefiele yana fuskantar Shari'a a Nigeria a kan tuhume-tuhume da zargin almundahana da dukiyar kasa da kuma janyo zagon kasa ga tsaron Nigeria.
Ƴan Najeriya da kungiyoyin farar hula sun shigar da ƙara a gaban kotu inda suka bukaci a tsige Gwamnan CBN daga mukaminsa saboda saɓa dokar bankin koli.
A ranar 10 ga Yuni, 2023, Ma’aikatar Harkokin Wajen Amurka ta tabbatar da kama Emefiele ta shafinta na Twitter. Rahotanni sun ce an kawo shi ne domin yi masa tambayoyi a wani ɓangare na binciken ofishinsa.[1].
A watan Janairun 2024, wata kotun Abuja ta umurci gwamnatin tarayyar Najeriya ta biya diyyar naira miliyan 100 (€100,000) ga Godwin Emefiele saboda tsare shi ba bisa ka'ida ba.[2]. A ranar 5 ga Afrilu, 2024, Hukumar Yaki da yi wa Tattalin Arzikin Kasa Ta’annati (EFCC), ta shigar da wasu sabbin tuhuma kan Godwin Emefiele. Ana tuhumar Godwin Emefiele da zamba da karkatar da kudaden kasar waje na dala biliyan 2. Lauyan ya ce an yi rabon ne ba tare da goyon bayan tayi ba. Godwin Emefiele ya aikata laifukan ne tsakanin shekarar 2022 zuwa 2023, in ji hukumar.[3].
Sauran ayyukansa
[gyara sashe | gyara masomin]- Asusun ba da Lamuni na Duniya (IMF), tsohon memba na kwamitin gwamnoni (tun 2018) [10]
- International Islamic Liquidity Management Corporation (IILM), Memba na Hukumar Gudanarwa (tun 2018) [11]
Hanyoyin hadi na waje
[gyara sashe | gyara masomin]Godwin Emefiele Official Website Archived 2022-12-26 at the Wayback Machine
Duba kuma
[gyara sashe | gyara masomin]Manazarta
[gyara sashe | gyara masomin]- ↑ "Tinubu suspends Emefiele, orders CBN probe". Punch Newspapers (in Turanci). 2023-06-10. Retrieved 2023-06-10.
- ↑ Adegboyega, Ayodeji (2023-06-10). "Suspended CBN Governor, Godwin Emefiele, arrested, detained". Premium Times Nigeria (in Turanci). Retrieved 2023-06-12.
- ↑ https://www.bloomberg.com/profile/person/16322920
- ↑ "UNN Confers Honorary Degree On Emefiele". Leadership Newspaper (in Turanci). 17 May 2019. Retrieved 7 September 2019.
- ↑ "Central Bank of Nigeria | Home". www.cbn.gov.ng. Retrieved 28 May 2020.
- ↑ Camillus Eboh and Chijioke Ohuocha (9 May 2019), Nigeria central bank head nominated for second term Reuters.
- ↑ Camillus Eboh and Chijioke Ohuocha (May 9, 2019), Nigeria central bank head nominated for second term Reuters.
- ↑ Camillus Eboh (May 16, 2019), Nigeria's Senate confirms second term for cbank governor Emefiele Reuters.
- ↑ Camillus Eboh and Chijioke Ohuocha (May 9, 2019), Nigeria central bank head nominated for second term Reuters.
- ↑ Members International Monetary Fund (IMF).
- ↑ Governing Board International Islamic Liquidity Management Corporation (IILM).