Harin bam a Nyanya, Mayu 2014

Harin bam a Nyanya, Mayu 2014

9°03′N 7°30′E
Iri	aukuwa
Bangare na	Rikicin Boko Haram
Kwanan watan	1 Mayu 2014
Wuri	New Nyanya
Adadin waɗanda suka rasu	19
Adadin waɗanda suka samu raunuka	80

A ranar 1 ga watan Mayu, 2014, wata mota ɗauke da bam ta fashe a New Nyanya, wani gari a jihar Nasarawa, Najeriya. Fashewar ta yi sanadin kashe aƙalla mutane 19 tare da jikkata wasu su 60.

Wai-wa-ye

Sama da mutane dubu 15,000 ne aka kashe a Najeriya cikin shekaru 15 da suka gabata a mabanbanta rikice-rikice. Yawancin hare-haren na da alaƙa da dalili na addini; kuma hakan ya samo asali ne daga buƙatun shari'ar Muslunci da ta maye gurbin babbar doka ta Tarayyar Najeriya. Ana danganta ƙungiyar Boko Haram da kai hare-haren. waɗannan ayyukan gabaɗaya ba a danganta su ga kowane takamaiman ƙungiya ko shugaba ba.

Kai hari

Wata mota ɗauke da bama-bamai a cikinta ta isa wani shingen bincike na ƴan sanda. Da isar ta dai-dai wurin duba ababen hawa, sai wani mutum ya fito daga cikin motar ya fara gudu yayin da motar ita kuma ta tarwaste sakamakon ababen fashewar da ke cikin motar. Hakan ya sa wasu motocin dake kusa da wajen, suka kama da wuta, suma suka fashe. A cewar Sufeto Janar na ƴan sandan, Frank Mba, jimillar motoci shida ne suka tarwatse sakamakon bam ɗin da aka dasa a cikin motar da aka zo da bama-baman da ita. Harin dai ya faru ne a kusa da yankin da wani bam ya taɓa fashewa a watan da ya gabata.