Idakwo Ameh Oboni II

Idakwo Ameh Oboni II
Rayuwa
Haihuwa	1948
Mutuwa	27 ga Augusta, 2020
Sana'a

Idakwo Michael Ameh Oboni II (1948 - Agusta 27, 2020) ya kasance Sarki na 27, Àtá Ígálá (masarauta mafi girma) na Masarautar Igala da ke a Tsakiyar Najeriya.

Rayuwa da ilimi

An haifi Oboni II a shekarar 1948. A 1960, ya kammala karatunsa na firamare a Saint Boniface da ke Idah. Daga nan ya ci gaba zuwa Kwalejin Saint Augustine, Kabba, inda ya kammala a 1967. Daga nan ya wuce Kaduna Polytechnic har wayau ya kammala karatunsa da satifiket na shedar Estate Management a shekarar 1980.

Aiki

Daga nan ya shiga aikin sojan saman Najeriya a shekarar 1968 ya bar aikin a radin kansa a shekarar 1974. Bayan nan ya yi aiki a matsayin jami’in duba filaye a ma’aikatar filaye a tsohuwar jihar Kwara sannan ya bar aiki a shekarar 1975 don neman ilimi. A shekarar 1981, ya fara Aiki a hukumar raya babban birnin tarayya (FCDA) kuma a tsawon shekaru, ya kai matsayin mataimakin darakta, inda ya yi ritaya a shekarar 2006.

Mulki

Bayan mutuwar 26th Àtá Igala Àtá Àlíì Ọ̀chẹ́ja Òtúlúkpé Ọ̀bàje a shekara ta 2012, An zaɓi Àám̀ gaba ɗaya daga cikin gidaje huɗu masu mulki a Anɛ Igálá a matsayin magajin sarauta. An miƙa naɗin nasa ga Sarakunan Igalamela tara (9) a matsayin wani ɓangare na tsarin gargajiya al'adar masarautar. Masu sarauta sun amince da naɗin nasa don aikawa zuwa ga Achadu oko-Ata (Firayim Minista Igala). An miƙa amincewar sa da firaministan Igala ya yi ga majalisar gargajiya ta jihar Kogi daga karshe gwamnan jihar kogi Capt Idris Ichala Wada ya amince da shi. Ya furta cewa shi ne Ata na farko da ya auri mace ɗaya a tarihin ƙasar Igala.

Da zuwan gwamnatin Buhari a Najeriya, HRM Ameh Oboni II a shekarar 2016 a garin Idah, yayin bikin cikar sa karo na uku kan ƙaragar mulki, ya ɗora wa shugaban kasa "ya fara canza sheka a jihar Kogi".

Bayan zaɓen 2019 da tashe-tashen hankula suka biyo bayan zaɓen 2019, ƙungiyar Àtá Igálá ta la'anci waɗanda suka aikata ta'addancin zaɓe a jihar.

Dabi'u

An bayyana shi a matsayin mutum mai son zaman lafiya kuma mai ba da shawarwari masu kyau da kuma sanannen gaskiya. Dansa, Prince Ocholi Idakwo ya bayyana shi a matsayin "mutum mai aiki kuma mai kishin raya al'adun Igala".

Mutuwa

Rahotanni sun ce ya rasu ne a safiyar ranar Alhamis 27 ga watan Agustan 2020 bayan ɗan gajeran mulki na kimanin shekaru takwas, wanda ya fara bayan rasuwar magabacinsa wanda ya yi mulki na tsawon shekaru 52. Oboni II ya rasu ne a wani asibitin Abuja bayan da aka yi masa tiyatar da ba'a yi nasara ba.