Isa Ashiru Kudan

{{databox} Isa Ashiru Kudan (an haife shi a ranar 23 ga watan Oktoba a shekara ta alif dari tara da sittin biyu miladiyya 1962). Dan siyasan Najeriya ne daga Kudan, Najeriya . Dan kasuwa ne kuma yana rike da sarautar gargajiya ta Sarkin Bai na Masarautar Zazzau. Shi ne dan takarar gwamna na jam'iyyar PDP a shekarar 2023 a jihar Kaduna, Nigeria . Ya taba zama ɗan majalisar wakilan Najeriya mai wakiltar mazaɓar Kudan/Makarfi daga shekarar 2007 zuwa shekarata 2015, kuma dan majalisar wakilai mai wakiltar mazabar Kudan a majalisar dokokin jihar Kaduna.

Rayuwa da iyali

An haifi Ashiru a ranar 23 ga Oktoban shekarar 1962 a karamar hukumar Kudan ta jihar Kaduna . Ya auri mata daya mai suna laure, kuma Allah ya albarkace su da Yaya 7. Ya rasa mahaifinsa tun yana karami. illimi

i.

Ashiru ya halarci makarantar firamare ta LEA, Kudan daga shekarar 1968-1974. Tsakanin 1975 zuwa 1980 Ashiru ya halarci makarantar Sakandare a Kwalejin Kufena Wusasa, Zariya. Ya ci gaba da samun Diploma na kasa a fannin kasuwanci daga 1982-1985 a Katsina Polytechnic.

Daga shekara ta 1987-1989, ya halarci Kwalejin Kimiyya da Fasaha ta Jihar Kaduna, ya kuma kammala karatunsa na HND. A shekarar 1990 ya yi hidimar bautar kasa (BO/KD/89/42117) a jihar Borno.

A cikin shekarar 1999, ya sami digiri na biyu a fannin Gudanar da Talla. Ya yi digirin digirgir a fannin Public Policy and Administration daga shekarar 2000-2001 a Bayero university Kano (BUK).

Sana'a

Bayan kammala karatunsa na SSCE, Ashiru yayi aiki da ma'aikatar kudi ta jihar Kaduna daga shekarar 1980 zuwa 1982. Daga baya ya koma hukumar tattara kudaden shiga ta jihar Kaduna daga shekarar 1985 zuwa 1992, kafin ya yi aiki da ma’aikatar kasuwanci da masana’antu da yawon bude ido ta jihar Kaduna daga 1992 zuwa. Siyasa

Siyasa

A shekarar 1996, bayan murabus dinsa, ya tsaya takarar shugaban kasa a karkashin jam’iyyar sifiri ya sha kaye. Ya sake tsayawa takara a shekara 1997 a karkashin jam’iyyar SDP (social Democratic Party) sannan kuma ya sha kaye. A shekarar 1998 ya tsaya takarar dan majalisar dokokin jihar Kaduna a karkashin jam’iyyar DPN inda ya sha kaye.

A shekarar 1999, an zabi Ashiru a matsayin dan majalisar dokokin jihar Kaduna mai wakiltar mazabar Kudan a karkashin jam'iyyar Peoples Democratic Party (Nigeria) . A shekarar 2003, an sake zaben shi a karo na biyu.

A shekarar 2007, an zaɓen shi dan majalisar wakilai mai wakiltar mazabar Kudan/Makarfi a majalisar wakilai ta tarayyar Najeriya . A cikin 2011, an sake zabe shi don yin wa'adi na biyu. A Majalisar Wakilan Najeriya Ashiru ya kasance shugaban kwamitin kasafin kudi na majalisar.

A shekarar 2014, Ashiru ya sauya sheka zuwa jam’iyyar All Progressives Congress, inda ya tsaya takarar gwamna, inda ya sha kaye a hannun Nasir el-Rufai bayan an fafata rikici. A shekarar 2018 Ashiru ya koma jam’iyyar adawa ta Najeriya (Nigeria) inda ya tsaya takara kuma ya lashe zaben fidda gwani na gwamna.

Zaben Gwamna

Ashiru ya kasance dan takarar gwamna na jam'iyyar PDP a Najeriya a zaben gwamnan jihar Kaduna a shekarar 2019 . Sunday Marshall Katung shi ne abokin takararsa. Nasir el-Rufai ya samu kuri’u 1,045,427 (55.32%) inda ya doke Ashiru wanda ya samu kuri’u 814,168 (43.08%), duk da cewa dan takarar PDP ya yi zargin cewa zaben ya kasance da cece-kuce da rashin bin ka’ida. Kotun sauraren kararrakin zabe ta ki amincewa da bukatar Ashiru na a sake kidayar kuri’u, inda ta tabbatar da nasarar El-rufai a rumfunan zabe.

Dan Takarar PDP A 2023

Ashiru ya lashe tikitin takarar gwamna na jam'iyyar Peoples Democratic Party (Nigeria) na 2023 a jihar Kaduna, tare da tsohon kwamishinan kudi, John Markus Ayuba a matsayin mataimakinsa. Zai kalubalanci dan takarar APC Sanata Uba Sani.

Rigimar Takaddun shaida

Prof. Muhammad Sani Bello, jigo a jam'iyyar APC ya yi zargin cewa "Isah Ashiru bai mallaki abin da ake bukata ko cancantar zama gwamnan jihar Kaduna ba saboda bai mallaki takardar shaidar kammala makaranta ba." Amma da yake magana da Premium Times Ashiru ya musanta gabatar da takardun shaidar karya ga INEC. Ya ci gaba da kai karar Bello bisa zargin bata masa suna. A wata shari’ar kuma, dan jam’iyyar PDP Abdullahi Isa ya shigar da kara a babbar kotun da ke Zariya, inda ya ce Ashiru bai cancanci tsayawa takara ba. Sai dai kotun ta yanke hukuncin cewa Ashiru ya cancanci tsayawa takarar gwamna a zaɓen shekarata 2023 saboda yana da karancin cancantar ilimi.