Nigerian braille

Kiwon zomaye a Nigeria

Kiwon zomaye (wanda ake kira cuniculture da Turanci), na nufin haihuwa da kiwon zomaye don nama, fata, ko kuma matsayin dabbar shakatawa. A Najeriya, kiwon zomaye yana samun karbuwa saboda karancin kudin fara yinsa, yawan haihuwa, da kuma karancin kitsen naman sa.(lean meat)

2.Dalilan Da Yasa Kiwon Zomaye Ke Karbuwa a Najeriya

Kananan kudin fara kiwon idan aka kwatanta da kaji ko shanu.

Gaggawar girma da yawan haihuwa: Zomo na iya haihuwa sau 6 zuwa 8 a shekara, yana haifar da 'ya'ya 6 zuwa 10 a kowane lokaci.

Yawan bukatar naman zomo: Nama ne fari, mara mai da sinadarin cholesterol.

Baya bukatar fili mai yawa: Ana iya kiwon su a gida ko cikin kwantena kanana.

Cibiyar samun kudin shiga da abinci mai gina jiki ga iyalai da manoma kanana.

3.Irin Zomayen da Ake Kiwowa a Najeriya(Breeds)

Wadannan su ne ire-iren zomayen da aka fi kiwo a Najeriya saboda jurewar su da kuma yawan haihuwa:

a. New Zealand White

Launi: Fari qal da idanu ja.

Amfani: Ana kiwon sa ne don nama.

Siffofi: Yana girma da sauri, mai girma, kuma uwa mai kyakykyawan kulawa da ‘ya’ya.

b. Chinchilla

Launi: Fari da launin toka.

Amfani: Nama da fata.

Siffofi: Matsakaicin girma zuwa babba, nama mai kyau.

c. Californian

Launi: Jiki fari, hanci, kunne, kafa da wutsiya baki.

Amfani: Don samar da nama.

Siffofi: Yana girma da sauri kuma yana cin abinci da kyau.

d. Flemish Giant

Launi: Launuka daban-daban (toka, fari, rairayi, baki).

Amfani: Don nama da nune-nune.

Siffofi: Babban jiki sosai, amma yana daukar lokaci kafin ya balaga.

e. Dutch

Launi: Fari da baki da aka raba.

Amfani: Mafi yawa ana kiwon su a matsayin dabbar shakatawa ko don bincike.