Sha'aban Ibrahim Sharada

Sha'aban Ibrahim Sharada
mamba a majalisar wakilai ta Najeriya 11 ga Yuni, 2019 -
Rayuwa
Haihuwa	Kano, 1 ga Janairu, 1982 (42 shekaru)
ƙasa	Najeriya
Sana'a
Sana'a	ɗan siyasa

Sha'aban Ibrahim Sharada (an haife shi ranar 1 ga watan Janairun shekarar 1982), ɗan siyasan Najeriya ne kuma ɗan jarida daga jihar Kano wanda ya kasance mataimaki na musamman ga shugaban ƙasa Muhammad Buhari kafin ya zama ɗan majalisar wakilai a shekara ta 2019.

Rayuwar farko da ilimi

An haifi Sha'aban ne a ranar 1 ga watan Janairun shekarar 1982 a unguwar Sharada da ke karamar hukumar Kano, ya halarci makarantar firamare ta Salamta, sannan ya halarci Sakandaren Gwamnati na Sharada. Ya yi Digirin sa na farko a fannin (Mass Communication) a Jami'ar Bayero, Kano.

Aikin jarida

Sha'aban Sharada ya fara aiki ne a matsayin mataimaki na kasuwanci a Freedom Radio Nigeria da ke jihar Kano har zuwa lokacin da ya zama mataimaki na musamman ga shugaban tarayyar Najeriya Muhammad Buhari.

Siyasa

Sha'aban ya fara harkar siyasa ne a shekarar 2009 a lokacin da yake karatun digiri na farko inda ya tsaya takarar Sakataren yada Labarai na Kungiyar Dalibai ta kasa ta kasa reshen Jihar Kano kuma ya fara nada shi a matsayin Mataimaki na Musamman ga Shugaban Tarayyar Najeriya Muhammadu Buhari. A shekarar 2016, an zabi Sha'aban mamba a babban zaben Najeriya na 2019 don wakiltar Kano Municipal Constituency a majalisar wakilai ta Najeriya.

A halin yanzu shi ne shugaban kwamitin majalisar wakilai kan tsaro da leken asiri.