Abdulkadir Rahis

Abdulkadir Rahis
mamba a majalisar wakilai ta Najeriya, 11 ga Yuni, 2019 - District: Maiduguri (Metropolitan) mamba a majalisar wakilai ta Najeriya, ga Yuni, 2015 - mamba a majalisar wakilai ta Najeriya,
Rayuwa
Haihuwa	Maiduguri (en) , 30 ga Yuni, 1968 (56 shekaru)
ƙasa	Najeriya
Harshen uwa	Hausa
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa
Imani
Jam'iyar siyasa	All Progressives Congress

Abdulkadir Rahis (an haife shi a ranar 30 ga watan Yuni 1968) ɗan siyasan Najeriya ne a halin yanzu yana aiki a matsayin ɗan majalisar wakilai ta Najeriya mai wakiltar mazaɓar tarayya ta Maiduguri (Birnin) a majalisar wakilai ta ƙasa ta 10. Ɗan jam’iyyar APC ne kuma ya yi wa’adi uku a majalisar wakilai.

Tarihi da farkon rayuwarsa

Abdukadir ya yi karatu a kwalejin kimiyya da fasaha ta ƙaramar hukumar Bama a jihar Borno, kuma ya kammala a shekarar 1989.

Aikin siyasa

Rahis ya fara harkar siyasa ne a shekarar 1990, lokacin da ya tsaya takarar kansila a shiyyar Shehuri ta Kudu da ke Maiduguri Metropolitan Council. A shekarar 1997 aka zaɓe shi shugaban Ward a ƙarƙashin jam'iyyar United Nigeria Democratic Party sannan a shekarar 1999 ya zama ma'ajin jam'iyyar All People's Party a Maiduguri Metropolitan Council.

A cikin shekara ta 2001, an naɗa shi a matsayin Kansilan Kula da Ayyuka a Majalisar Dokokin Maiduguri, aikin da ya yi har zuwa shekara ta 2003. A shekarar 2003, an naɗa shi mamba a kungiyar kwallon kafa ta El-Kanemi Warriors, sannan ya zama shugaban hukumar. Ya kuma riƙe muƙamin shugaban matasan jihar Borno daga shekarun 2006 zuwa 2011 kafin Gwamna Kashim Shettima ya naɗa shi mataimaki na musamman. A cikin shekara ta 2012, an naɗa shi a matsayin Shugaban Kwamitin Riƙo na Maiduguri Metropolitan Council kuma ya yi aiki har zuwa shekara ta 2015.

A shekarar 2015, an zaɓe shi a matsayin mamba mai wakiltar Maiduguri Metropolitan Federal Constituency na jihar Borno a majalisar wakilai, a ƙarƙashin jam'iyyar APC.