Abdullahi Abubakar

Abdullahi Abubakar
Rayuwa
Haihuwa	1 ga Janairu, 1936 (88 shekaru)
Sana'a

Imam Abdullahi Abubakar malamin addinin musulunci ne kuma mai taimakon jama'a. Ya shahara wajen ceto rayukan mutane 262 wadanda ba musulmi ba a lokacin da wasu ‘yan bindiga suka kai wa al’ummarsa hari .

Rayuwar farko

An haifi Iman Abdullahi Abubakar a shekarar alif dari tara talatin da shida miladiyya 1936 a garin Bauchi dake jihar Bauchi a Najeriya.

Fage

Imam Abubakar shi ne babban limamin masallacin Akwatti da ke garin Nghar, al’ummar karamar hukumar Barkin Ladi a jihar Filato . A shekarar 2018, an kai hari a kauyukan Yelwan Gindi Akwati, Swei da Nghar inda wasu da ake zargin ‘yan bindiga ne suka kashe mutane 80.

Limamin ya samu nasarar ceto rayukan mutane 262 wadanda galibi Kiristoci ne daga kabilar Birom ta hanyar boye su a cikin masallacin sa ta yadda ya hana maharan kashe su.

A watan Yulin 2019, Imam Abdullahi Abubakar ya karbi lambar yabo ta ‘Yancin Addini ta Duniya daga Gwamnatin Amurka, wacce ta baiwa masu goyon bayan ‘yancin addini, tare da wasu shugabannin addini hudu daga kasashen Sudan, Iraq, Brazil, da Cyprus.

A watan Agustan 2019 ne shugaba Buhari ya ba da izinin shigar da Imam Abdullahi Abubakar cikin kwamitin malamai na kasa kuma yana cikin kwamitin mutane 80 da aka dorawa alhakin wayar da kan alhazan Najeriya a Mina yayin aikin Hajjin 2019.

Kyaututtuka

• Kyautar 'Yancin Addini ta Duniya ta Amurka (2019)
• Memba na Order of the Federal Republic (MFR)
• Kyautar Kwarewa