Bello Baƙo Ɗambatta

Bello Baƙo Ɗambatta
mutum
Bayanai
Jinsi	namiji
Ƙasar asali	Najeriya, jihar Kano da Afirka
Harsuna	Turanci da Hausa
Sana'a	scientist (en) da Malami
Ilimi a	University of Huddersfield (en)

Bello Baƙo Ɗambatta, (an haife shi a ranar 15 ga watan Disamban shekarar 1950 a Kano, Jihar Kano, Nigeria)ɗan Najeriya ne masanin chemistry kuma mai kula da jami'a. Ya riƙe muƙamin shugaban jami’ar Bayero ta Kano daga shekara ta 1995 zuwa shekarar 1999.

Ilimi da aiki

An haifi Ɗambatta a ranar 15 ga Disamban shekarar 1950 a cikin birnin Kano, Najeriya. Ya fara karatunsa na gaba a Kaduna Polytechnic (1970-72), sannan ya koma Ingila, inda ya halarci Huddersfield Polytechnic (1972-74), Trent Polytechnic (1974-75), Jami'ar Bradford (1975-76), da Jami'ar Lancaster (1980-83). Ya kammala digirinsa na uku a Jami'ar Lancaster, tare da rubutu mai taken Bincike game da polymerisations ɗin free-radical na tri-n-butyltin methacrylate da i-vinylimidazole.

Ya zama malami a jami’ar Bayero ta Kano a shekarar 1978, kuma ya samu ƙarin girma, har ya kai cikakken farfesa a shekarar 1994. Ya yi aiki a matsayin shugaban Sashen Chemistry daga 1991 zuwa 1995, kuma shi ne shugaban tsangayar kimiyya daga 1992 zuwa 1995. Ya kasance mataimakin shugaban jami'ar Bayero daga shekarar 1995 zuwa 1999, kuma shine farkon wanda malaman jami'ar suka zaɓa (gwamnatin tarayya ce ta naɗa mataimakan shugabannin da suka gabata).

Ɗambatta ya zama fellow, wato babban mamba, na ƙungiyar sinadarai ta Najeriya a watan @Agustan shekarar 1996.