Chioma Goodhair

Chioma Goodhair
Rayuwa
Haihuwa	Lagos,, 25 ga Yuni, 1989 (35 shekaru)
ƙasa	Najeriya
Harshen uwa	Harshen Ibo
Karatu
Makaranta	University of Birmingham (en)
Harsuna	Turanci
Sana'a
Sana'a	Lauya da reality television participant (en)

hoton chioma good hair

Chioma Ikokwu (an haife ta a ranar 25 ga watan Yunin,shekara ta 1989A.c) wacce aka fi sani da Chioma Goodhair lauya ce ta kasar Najeriya, ’yar kasuwa kuma kocin zartarwa. Ita ce mai haɗin gwiwa kuma Shugaba ta Good Hair Ltd da Brass and Copper Restaurant & Lounge, tare da Kika Osunde. Ita ce ta kafa gidauniyar The Good Way Foundation, kungiyar da ke mai da hankali kan wayar da kan cutar sikila a matsayin ɗaya daga cikin manyan wuraren da ta fi mayar da hankali.

Ƙuruciya da ilimi.

An haifi Ikokwu a ranar 25 ga watan Yunin, shekarar 1989 a Legas, Najeriya. Ta halarci Jami'ar Birmingham kuma ta kammala karatu a shekarar 2010, tare da LL. B digiri. Ta gama karatu tare da LL. M digiri a International Environmental Law da International Commercial Arbitration a Jami'ar London (School of Oriental and African Studies) inda ta kammala da bambanci. Ta halarci Makarantar Shari'a ta Najeriya kuma an kira ta zuwa cikin Lauyoyin Najeriya a shekarar 2013.

Sana'a.

Bayan ta kammala digiri na biyu a fannin shari'a, ta yi aiki a wani kamfanin shari'a da sasantawa a ƙasar Lebanon a takaice kafin ta koma kasar Najeriya ta halarci makarantar koyon aikin lauya. Ta haɗu da abokin aikinta Kika Osunde a Jami'ar Birmingham inda ta yi aiki a matsayin Sakatariyar zamantakewa ta Jami'ar Birmingham ACS (Afro Caribbean Society). Ta kafa kamfani mai suna Good Hair Ltd wanda aka fara a Ingila a shekarar 2009, kafin ta koma Najeriya a shekarar 2014. Ikokwu da Osunde sun gina wata cibiyar kyan gani da ake kira "The Good Hair Space". Ita ce mai mallakar Brass and Copper, gidan abinci da mashaya a cikin Good Hair Space a Lekki, a garin Legas.

Ita ce wacce ta kafa Chioma Ikokwu Start-up Fund Initiative, wacce ke mai da hankali kan samar da jari ga kananan ‘yan kasuwa tare da sabbin dabaru. Tana gudanar da shirin horarwa na zartarwa inda take ba wa 'yan kasuwa shawara kan ƙirƙirar kasuwanci, yin alama da tallata.

Tallafawa.

Gidauniyarta ta mayar da hankali ne kan kawar da talauci, inganta kiwon lafiya, ilimi da yanayin rayuwa ga marasa galihu a Afirka. Gidauniyar ta yi bincike tare da yaki don rage wa mutanen da cutar sikila ta shafa. Har ila yau, Ikokwu ta kasance wani ɓangare na taron teburi na hedikwatar Majalisar Ɗinkin Duniya, wanda ta mayar da hankali kan wayar da kan jama'a da kula da cutar sikila, kuma gidauniyar Sickle cell ta yankin Afrika da ke garin New York ta ba ta lambar yabo ta jin kai.