Isiaka Oladayo Amao

Isiaka Oladayo Amao
Chief of the Air Staff (en) 26 ga Janairu, 2021 - 19 ga Yuni, 2023
Rayuwa
Haihuwa	jahar Enugu, 8 ga Afirilu, 1960 (65 shekaru)
Sana'a

Isiaka Oladayo Amao (an haife shi ranar 14 ga watan Satumban shekarar alif 1965) shi ne Shugaban hafsan Sojan Sama na Najeriya (NAF) wanda Shugaba ƙasan Najeriya mai suna Muhammadu Buhari ya naɗa a ranar 26 ga watan Janairun shekarar dubu biyu da ishirin da daya 2021, bayan an sauke Air Marshal Sadique Abubakar .

Rayuwar farko da ilimi

An haifi Isiaka Oladayo Amao a cikin jihar Jihar Enugu dake kudu maso gabashin Najeriya. Daga baya ya koma jihar Osun tare da iyayensa sannan ya koma jihar Kaduna inda ya halarci karatun yara na farko a makarantar firamare ta Nuhu Bamalli da ke Zariya a Kaduna daga shekarar alif 1971 zuwa shekarar alif 1977, sannan ya koma makarantar sakandaren Command Day ta Kakuri daga shekarar alif 1977 zuwa shekarar alif 1982, bayan ya gama makarantar sakandaren sa aka sa shi a makarantar horar da sojoji ta Najeriya (NDA) a matsayin memba na 35 NDA Regular Course a Nigerian Air Force cadet a ranar 19 ga watan Janairun shekarar alif 1984 kuma an ba shi izini a matsayin Pilot Officer a ranar 20 ga watan Disamba shekarar alif 1986. Amao ya kuma halarci kwalejin tarayya ta Freshwater da Fisheries Technology (FCFFT) New Bussa daga shekarar alif 1994 - zuwa shekarar alif 1996. Jami'ar Madras India daga shekarar alif 2002 - zuwa shekarar alif 2003, Kaduna Polytechnic daga shekarar alif 2005 - zuwa shekarar alif 2006 da kuma National Defense University China daga shekarar alif 2012 - zuwa shekarar alif 2013 da dai sauransu inda ya samu cancantar daban-daban.

Aiki

Bayan kammala makarantar sakandaren sa, An sanya Amao a makarantar koyon aikin tsaro ta Najeriya (NDA) a matsayin memba na 35 NDA Regular Course cadet a ranar 19 ga watan Janairun shekarar alif 1984 kuma an ba shi izini a cikin rundunar sojan saman Najeriya a matsayin jami'in jirgin sama a ranar 20 ga watan Disamba shekarar alif 1986. Amao ya rike mukamai da dama a rundunar Sojin sama ta Najeriya kuma kafin nadin nasa shi ne Kwamandan Kwamandan Sojojin da ke yaki da masu tayar da kayar baya na Najeriya wanda aka yi wa lakabi da Zaman Lafiya Dole / Lafiya Dole ' a shiyyar Arewa maso Gabashin Najeriya sannan kuma shi ne Kwamandan Sojan Sama. Umurnin Jirgin Sama na Tactical (TAC).

Rayuwar sa

Isiaka Amao ya auri Elizabeth Olubunmi kuma tun lokacin da suka yi aure suna da yara uku, wanda duk maza ne. Ayyukan da yake yi na nishaɗi sun haɗa da; karatu, rawa, tafiye tafiye, wasan kwallon gora da golf gami da kiwon kifi da kuma noma.