Qadria Yazdanparast

Qadria Yazdanparast
Rayuwa
Haihuwa	Kabul, 21 ga Afirilu, 1971 (53 shekaru)
ƙasa	Afghanistan
Sana'a
Sana'a	university teacher (en) , ɗan siyasa, Mai kare ƴancin ɗan'adam da gwagwarmaya
yazdanparast.org

Qadriya Yazdanparast (Farisa: قدریه یزدان‌پرست) 'yar siyasar Afganistan ce kuma kwamishiniya a Hukumar Kare Haƙƙin ɗan Adam mai zaman kanta ta kasar Afghanistan. Kafin ta fara aiki a hukumar kare hakkin ɗan Adam mai zaman kanta ta Afganistan ta yi murabus daga muƙaminta na shugabancin jam'iyyar Islami Afghanistan (Islamic Society of Afghanistan) domin ta cika buƙatar kwamishiniya na zama maras siyasa. Za a iya cewa jam'iyyar Jamiat-e Islami ita ce babbar jam'iyyar siyasa a tarihin Afghanistan. Ta fara aikinta a lokacin yakin Soviet-Afganistan. Ta yi karatun fiqihu da kimiyyar siyasa a jami'ar Kabul. Yazdanparast tana magana da Pashto, Dari, Dutch da English.

Ayyukan siyasa da zamantakewa

Bayan faɗuwar gwamnatin gurguzu, shugaba Burhanuddin Rabbani ya naɗa ta a matsayin darektar kungiyar mata ta Afganistan wacce ta rika ma'aikatar harkokin mata ta Afghanistan. A lokacin yaƙin da ake yi da Taliban, ta gudu zuwa yankin arewacin ƙasar, wanda ke ƙarƙashin ikon United Islamic Front, wanda aka fi sani da 'Northern Alliance'. A nan ta sami damar ci gaba da aikinta kuma ta ci gaba da aikinta kuma ita ce shugabar makarantar lauya a Mazar-i-Sharif. ta shirya taron ƙasa da ƙasa kan hakkin mata a Afghanistan. Yayin da take Mazar e Sharif, ta kuma shirya kungiyoyin koyar da sirri daban-daban ga mata a ƙarƙashin ikon Taliban.

Bayan faɗuwar Mazar-i-Sharif, ta nemi mafaka a Netherlands, inda ta zauna a Rotterdam kuma ta fara karatu.

Bayan faɗuwar gwamnatin Taliban a shekara ta 2001 kuma bisa buƙatar tsohon shugaban ƙasar Afganistan Burhanuddin Rabbani Qadriya Yazdanparast ta koma ƙasar Afganistan kuma za ta iya samun kujera a majalisar dokokin ƙasar Afghanistan inda aka zaɓe ta a matsayin shugabar mata na hukumar kare hakkin bil'adama. Ta zama sananniya a cikin siyasar Afganistan "bayan kofa", tana da alaƙa da ƙungiyoyin siyasa daban-daban. A lokacin zamanta a Majalisa an san ta da zama gada tsakanin abokan hamayyar siyasa daban-daban. Ta kawo shawarwarin doka da yawa. Dokar 'kawar da cin zarafi ga mata' ita ce yunƙurin ta. Dokar da aka ambata a baya kuma ana kiranta da dokar EVAW.

Dangantakar siyasa

Qadriya Yazdanparast ta yi amfani da alakar ta ta siyasa tare da manyan jagororin siyasa da manyan masu faɗa aji domin tsara dokoki don kare mata da dama a Afghanistan. Da iliminta na addini ba ta fuskanci adawa daga manyan malaman addini a ƙasar ba. Bayanan na Majalisar Dokokin Afganistan (Wolesi Jirga) sun ambaci cewa dokar EVAW (Dokar kawar da cin zarafin mata) ita ce yunƙurinta a lokacin da take 'yar majalisa.

Tsoffin muƙamai

• Matsayin Jagorancin Jam'iyyar Jamiaat
• Shugabar kungiyar mata ta Afganistan
• Mai bai wa tsohon mataimakin shugaban ƙasa shawara kan harkokin shari'a
• Mai bai wa Shugaban Ƙasa Shawara
• 'Yar majalisar dokokin Afghanistan
• Farfesa a Jami'ar Kabul

Sauran ayyuka

Yazdanparast ta sami wasu muƙamai da yawa:

• Shugabar kwamitin 'Oldtown Kabul': kwamitin da shugaba Karzai ya kafa domin kiyaye tsohon birnin Kabul.
• Mashawarciyar Shari'a
• Marubuciya kuma mawakiya

Yanayin da ake ciki

A halin yanzu Qadriya Yazdanparast kwamishiniya ce a hukumar kare hakkin ɗan Adam mai zaman kanta ta Afghanistan. Ita ce ke kula da hakkin mata a hukumar.