Tashar Bas na Oyingbo

Tashar Bas na Oyingbo
Oyingbo
Wuri
Ƴantacciyar ƙasa	Najeriya
Jihohin Najeriya	jahar Legas
Birni	Lagos,

Tashar Bas ta Oyingbo na nan a kan titin Oyingbo, Lagos Mainland, Lagos State,. An gina tashar ne a tsakiyar yankin Oyingbo kuma tana da iyaka da Yaba, Iddo da Ijora/Costain axis. Tashar bas ɗin ta Oyingbo ita ce 'yar uwar tashoshin Bas na Oshodi da Ikeja. Motocin bas ɗin suna da iya kwandishan kuma sun dace sosai. Tashar motar bas ɗin na nan a tsakiyar kasuwar Oyingbo mai cike da cunkoso. Sauƙin shiga tsibirin Legas da sauran yankunan Mainland na Legas ta hanyar Bus shine fa'idar wurin da wannan tashar motar bas take.

Gina

Gwamna Akinwunmi Ambode ne ya kaddamar da ginin tashar bas ɗin ta Oyingbo a shekara ta a shekarar 2017 a wani sashe na shirin sake fasalin gwamnatin jihar Legas, zai kasance tashar mota mafi girma a jihar da zata iya yiwa mazauna jihar miliyan huɗu hidima. A shekara ta 2017 ne gwamnatin jihar Legas ta fitar da samfarin tasha ta Oyingbo BRT ga jama’a, kamar yadda samfurin ya nuna, tashar za ta iya daukar akalla Motocin BRT guda 50-60.

An karo motoci masu tsaka-tsakin girma (mai daukan Fasinja 40) a tashar bas wanda Hukumar Kula da Sufuri ta Legas, LAMATA da Lagos Bus Services Limited, LBSL, a daidai lokacin da ake shirin sake motocin 14-18 yellow mini bas mai daukan fasinja 40 da fasinja 80 High Capacity Bass don rage yawan motocin bas da ke bin hanyoyin jihar, inganta muhallin jihar ta hanyar rage fitar da iskar Carbon, inganta lokacin tafiya da kuma kunna Private Public Partnership (PPP). Hakan zai kuma karfafawa mutane da yawa kwarin gwiwar barin motocinsu a gida su yi amfani da bas din ta yadda za a rage cunkoson ababen hawa. Motocin LBSL jerin manyan motocin bas ne da ke aiki a cikin babban birnin Legas. Kamfanin Bus Services Limited (LBSL) ne ke tafiyar da motocin bas din. Kamfanin Bus Services Limited (LBSL) kamfani ne da gwamnatin Akinwumi Ambode ta kafa. An haɗa kamfanin a kan 1 ga Agusta 2016 a matsayin kayan sufuri, ayyuka, da kamfanin sabis na ba da shawara.

Abubuwan da suka faru

A yayin zanga-zangar # ENDSARS na shekarar 2020, 'yan zanga-zanga sun kona sabuwar tashar Oyingbo Bus Rapid Transport (BRT) a Legas, inda suka lalata daruruwan sabbin motocin BRT. An bayyana cewa, wasu dimbin sabbin motocin bas na BRT da har yanzu ba a tura su zuwa hanyoyin ba amma da aka ajiye a tashar jirgin ƙasa da ke bayan layin dogo a garin Oyingbo, gobarar ta cinye su.

Gine-gine

Wuraren da aka sanya a Tashar sun haɗa da babbar cibiyar sufuri da kasuwanci sun haɗa da wurin amsar tikiti, wurin shakatawa, wurin cin abinci, wifi kyauta, dakunan wanka na zamani, da sauransu.

Kaddamarwa

A kwanakin baya ne gwamnatin jihar Legas karkashin gwamnatin Gwamna Babajide Sanwo-Olu ta sanar da cewa nan ba da jimawa ba za ta kaddamar da tashar BRT a garin Oyingbo domin amfanin mutanen gari.