Abu Ayyub al-Ansari

Abu Ayyub al-Ansari
Abu Ayyub al-Ansari
Rayuwa
Haihuwa	Madinah, unknown value
ƙasa	Khulafa'hur-Rashidun; Khalifancin Umayyawa
Mutuwa	Constantinople (en) , 674
Makwanci	Eyüp Sultan Mosque (en)
Sana'a
Sana'a	Sahabi
Mamba	Ansar (Musulunci)
Aikin soja
Ya faɗaci	Siege of Constantinople (en) ; Yaƙin Uhudu; Badar; Yaƙin gwalalo
Imani
Addini	Musulunci

Abu Ayyub al-Ansari^[1] (Arabic:أبو أيوب الأنصاري, romanized: Abū Ayyūb al-Anṣārī, Turkish: Ebu Eyyûb el-Ensarî, ya rasu shekarar 674)^[2] An haifi Khalid ibn Zayd ibn Kulayb ibn Tha'laba (Arabic:خالد ابن زيد ابن كُليب ابن ثعلبه, romanized: Khālid ibn Zayd ibn Kulayb ibn Thaʿlaba) a Yathriba/Madina, ya kasance daga ƙabilar Banu Najjar kuma ɗaya ne daga cikin manyan sahabban Annabi Muhammad S.A.W, Shi mutumin Madina ne kuma sune na farko a Madina da suka taimaka Annabi. Abu Ayyub yana daga cikin Ansar (Larabci: الانصار, ma'ana masu taimako, mataimaka ko masu tallafawa wani) a farkon tarihin Musulunci. Ansar su ne mutanen da suka goyi bayan Annabi Muhammad (SAW) bayan hijirarsa daga Makka zuwa Madina a shekara ta 622.

laƙabin Abu Ayyub yana nufin "uban Ayyub", domin kalmar Abu na nufin "uba" a larabci. Abu Ayyub ya rasu sakamakon rashin lafiya a lokacin yaƙin Farko na Larabawa da suka kewaye Konstantinoful(Constantinople).

Tarihin Rayuwa

An haifi Abu Ayyub a Madina, a yankin Hijaz, da sunan Khalid bin Zayd. ya fito daga dangin Najjar, waɗanda suke daga cikin ƙabilar Banu Khazraj. Saboda Abu Ayyub shine shugaban iyalinsa, yana daga cikin dattawan Madina da aka zaɓa waɗanda suka je kwarin Aqaba, inda suka yi mubaya'a ga Musulunci a hannun Annabi Muhammad (SWA). Daga nan Annabi Muhammad ya sanya masa suna Abu Ayyub al-Ansari.

Bayan hijira, Annabi Muhammad (SAW) ya haɗa Muhajirun da Ansar a ƙarƙashin mubaya'a da haɗin kai guda.

Waqif na Masallacin Annabi

ƙasar da aka gina Masallacin Annabi (Al-Masjid an-Nabawi) a kanta, mallakin wasu marayu biyu ne, Sahal da Suhayl. Lokacin da suka sami labarin cewa Annabi Muhammad (SAW) yana son ya mallaki ƙasarsu domin gina masallaci, sai suka je wurinsa suka miƙa masa ƙasar a matsayin kyauta. Amma Annabi Muhammad (SAW) ya nace cewa zai biya kuɗin ƙasar, saboda su yara ne marayu. Daga ƙarshe, an amince da farashin sayen ƙasar, kuma Abu Ayyub al-Ansari ne ya biya kuɗin. Ta haka ne ya zama waqif(wato wanda ya kafa ko ya bayar da dukiyan a matsayin sadaka mai ɗorewa) na Masallacin Annabi a madadin Annabi Muhammad (SAW).

An kuma zaɓe shi a matsayin gwamnan Madina a zamanin Khalifa Ali ibn Abi Talib.^[3]

Manazarta

↑ http://www.wdl.org/en/item/8824/ Archived 2015-09-20 at the Wayback Machine https://en.wikipedia.org/wiki/World_Digital_Library 1890–1900. Retrieved 2013-10-18.
↑ Or 52 A.H, see Ibn Sa'd and Tabari, cited in Hitti, Philip K. (1951). A History of the Arabs (Revised ed.). London. p. 202. https://en.wikipedia.org/wiki/OCLC_(identifier) https://search.worldcat.org/oclc/398068
↑ https://en.wikipedia.org/wiki/Abu_Ayyub_al-Ansari#CITEREFYarshater1985%E2%80%932007, v. 17: p. 206; https://referenceworks.brill.com/search?q=&source=%2Fdb%2Feieo Leiden: E. J. Brill. 1960–2005.; https://en.wikipedia.org/wiki/Abu_Ayyub_al-Ansari#CITEREFKhalifah_ibn_Khayyat1985, p. 201.

[1] ttp://www.wdl.org/en/item/8824/ Archived 2015-09-20 at the Wayback Machine https://en.wikipedia.org/wiki/World_Digital_Library 1890–1900. Retrieved 2013-10-18.

[2] Or 52 A.H, see Ibn Sa'd and Tabari, cited in Hitti, Philip K. (1951). A History of the Arabs (Revised ed.). London. p. 202. https://en.wikipedia.org/wiki/OCLC_(identifier) https://search.worldcat.org/oclc/398068

[3] ttps://en.wikipedia.org/wiki/Abu_Ayyub_al-Ansari#CITEREFYarshater1985%E2%80%932007, v. 17: p. 206; https://referenceworks.brill.com/search?q=&source=%2Fdb%2Feieo Leiden: E. J. Brill. 1960–2005.; https://en.wikipedia.org/wiki/Abu_Ayyub_al-Ansari#CITEREFKhalifah_ibn_Khayyat1985, p. 201.

[1]

[2]

[3]