Ayo Omidiran

Ayo Omidiran
mamba a majalisar wakilai ta Najeriya
Rayuwa
Haihuwa	10 Nuwamba, 1963 (60 shekaru)
ƙasa	Najeriya
Harshen uwa	Yarbanci
Karatu
Makaranta	Jami'ar Ahmadu Bello Digiri a kimiyya : Biochemistry
Harsuna	Turanci Yarbanci Pidgin na Najeriya
Sana'a
Sana'a	ɗan siyasa da legislator (en)
Imani
Jam'iyar siyasa	All People's Congress (en)

Ayo Hulayat Omidiran, (An haife ta ranar 10 ga watan Nuwamban, 1965). 'yar siyasan Najeriya ce kuma 'yar majalisar tarayya mai wakiltar mazabar tarayya ta Ayedaade/Irewole/Isokan na jihar Osun. Ita memba ce ta jam'iyyar All Progressive Congress. Ta kasance ‘yar asalin Ikire ce a cikin karamar hukumar Irewole ta jihar Osun.

Ilimi

Ta halarci makarantar Ayedaade Grammar School Ikire, a jihar Osun sannan ta samu takardar shedar kammala karatun ta na yankin Afirka ta Yamma (WAEC) a 1980. Daga nan ta wuce Jami’ar Ahmadu Bello zaria sannan ta kammala karatun digiri na farko a fannin Biochemistry a shekarar 1985.

Ayyuka

Siyasa

Ta tsaya takarar majalisar wakilai ta tarayya mai wakiltar mazabar tarayya ta Ayedaade / Irewole / Isokan a shekarar 2011 kuma tayi nasarar lashe zaben. Ta sake tsayawa takara a shekara ta 2015 kuma an sake zaben ta a karkashin inuwar jam’iyyar APC. Ta rike mukamai da dama a majalisa ciki har da Mataimakiyar Shugaban, Kwamitin Majalisar kan Wasanni; memba na Kwamitin Majalisar kan Shari'a, Sadarwa, Cikin Gida, Abubuwan Ma'adanai Masu Kauri, Harkokin Mata da Mata a Majalisar.

Gudanar da Wasanni

A shekarar 2002, ta zama memba a Hukumar Kwallon Kafa ta Najeriya kuma ta ci gaba da zama a can har zuwa 2005. Tun daga 2006, ta kasance mamba a kwamitin mata na FIFA . Ta zama mai mallakar Omidiran Babe, wata kungiyar kwallon kafa ta mata a Osogbo, jihar Osun a shekarar 1997. A 2017, an nada ta shugabar Hukumar Kwallon Kafa ta Mata ta NFF (NFF).

Rayuwa

Ta kasance mai sha'awar kwallon kafa. Ta dauki nauyin gasar Kwallan Kafa ta Mazabar Tarayya ta Ayedaade-Irewole-Isokan a farkon shekarar 2018 wacce ta kammala da wasan karshe a Ayedaade High School, Ikire, Jihar Osun.