Joseph Fadahunsi

Joseph Fadahunsi
mamba a majalisar wakilai ta Najeriya,
Rayuwa
Haihuwa	Ilesa, 1901
ƙasa	Najeriya
Mutuwa	Ilesa, 12 Mayu 1986
Sana'a
Sana'a	ɗan siyasa
Kyaututtuka	gani Knight Commander of the Order of the British Empire
Imani
Jam'iyar siyasa	Majalisar Najeriya da Kamaru

Oloye Sir Joseph Odeleye Fadahunsi, KBE (1901–12 May, 1986) ɗan kasuwan Najeriya ne kuma ɗan siyasa wanda ya kasance mataimakin shugaban Majalisar Tarayyar Najeriya da Kamaru.Ya kuma wakilci gundumar Ilesha a majalisar dokoki a lokacin jamhuriya ta farko ta kasa.An Oloye na kabilar Yarbawa,daga baya ya zama gwamnan yankin yammacin Najeriya.

Rayuwa

An haifi Fadahunsi a garin Ilesa a shekarar 1901.Ya yi karatu a Osu Methodist Elementary School sannan ya halarci Kwalejin Wesley,Ibadan.Fadahunsi ya fara aiki ne a matsayin malami a makarantar da gwamnati ke taimakawa da ke Ilesha sannan ya koyar a makarantu a Legas da Ikorodu.Ba shi da sha'awar koyarwa, ya nemi shugaban gudanarwar makarantar da yake koyarwa da ya taimaka a sana'ar kasuwanci.Daga baya shugaban ya gabatar da shi ga Kamfanin Kasuwancin United (UTC).

Fadahunsi ya haɓaka dangantaka da UTC a cikin 1927 kuma ya zama mai siye a ƙarƙashin United Trading Company,reshe na ƙungiyar mishan na Cocin Lutheran na Swiss Lutheran,Basle Mission.Ya fara sana’ar sa yana siyan koko daga hannun manoma tare da daukar hayar masu safara domin kai kayan amfanin zuwa ofishin Kamfanin hada-hadar kasuwanci na Ibadan.Daga nan ya samu isasshiyar riba don siyan motocin sufuri na kansa kuma ba da daɗewa ba kasuwancinsa ya faɗaɗa harkar sufuri. Ya kafa kamfanin Ijesa United Trading and Transport Company Ltd don jigilar kayayyaki daga sauran kasuwancinsa da kuma yi wa sauran kamfanonin kasuwanci hidima.Kasuwancin sufurin sa ya fara samun karbuwa a wasu yankuna.A ƙarshen shekarun 1940, ya zama memba a kwamitin kula da harkokin kasuwancin koko na Najeriya da kuma hukumar bunkasa ayyukan noma ta Yamma.

A 1951,Fadaunsi ya shiga Majalisar Tarayyar Najeriya da Kamaru, an zabe shi a matsayin dan Majalisar Dokokin yankin a matsayin wakilin Ilesa Kudu maso Yamma.A majalisar,ya kasance mataimakin shugaban 'yan adawa.A shekara ta 1962,an samu karaya a jam'iyyar da ke mulki a yankin yammacin kasar ya haifar da kafa jam'iyyar United People's Party ta wata kungiya da ta balle karkashin jagorancin firaministan yankin.Daga nan sai kungiyar ta shiga kawance da mambobin NCNC.An nada Fadahunsi a matsayin Gwamnan yankin a shekarar 1962.