Maƙera

Maƙera
Bayanai
Ƙaramin ɓangare na	industrial furnace (en)
Amfani wajen	foundry (en)

makera amma ta zamani

wani makeri tare da yaronsa a makera suna kira

yana kera wani karfe

Maƙera masana'anta ce ko kuma wuri ne da ake kebancewa don yin sana'ar sarrafa tama da karafa da zinare da azurfa da sauran su. Sana'ar ƙira sana'a ce daɗaɗɗiya wadda take da dimbin tarihi a ƙasar hausa kuma kusan maƙera sune suke ƙera mafi yawan kayan aikin sana'o'in hannu. Ƙira ta kasu kashi biyu akwai ƙirar fari da kuma kirar baƙi. Ga bayanin su ɗaya bayan ɗaya.

Ire-iren ƙira

1. Ƙirar fari: ƙirar fari anan ne ake ƙera irin kayan kwalliya/adon mata kamar su sarƙa, dan kunne, kumbo, askar wanzamai da kuma abun hannun mata da dai sauransu .

wata babbar makera a birnin Birmingham

1. Ƙirar baƙi: ƙirar baƙi ita kusan ƙira game gari wadda ta hanyar wannan ƙirar ne ake ƙera wasu kayan amfani kamar galma ko kuma garma fatanya ko kuma fartanya takobi manjagara da dai sauransu.

Kayan aikin maƙera

1. Uwar Maƙera: ƙarfe ce dunƙulalliya wadda akanta ne ake buga ƙarfe don mai dashi wani abu daban bayan an fito dashi daga wuta.
2. Guduma: da ita ake dukan ƙarfen da ake son ƙerawa bayan an ɗora shi akan maƙera.
3. Masaba: itama dai abin dukan ƙarfe ce, sai dai ita da zalla ƙarfe ake yinta.
4. Madashi: shi kuma da shine huda ƙota/ƙota bayan an sa shi a wuta yayi ja-jawur.
5. Gizago: dashi ake sassaƙar ƙota.
6. Kurfi: dashi ake datsa ƙarfe.
7. Gawayi: shine makamashin wuta.
8. Zugazugi: fata sai ayi mata jima da zugazugi ake hura wutar maƙera.
9. Araftaki/Awartaki: ƙarfe ne da ake daukar karfe daga cikin wuta da kuma riƙe ƙarfe yayin sarrafa shi.
10. Tama: ita kuma tama itace sinadarin da ake yin ƙarfe da ita.
11. Matsoni: dashi ake huɗa ƙarfe.
12. Kasko: ana aje ruwa acikin kasko don tsoma ƙarfe a cikin shi don ragewa ƙarfe zafi.
13. Ƙarfe: shine abunda ake sarrafawa ko kuma ƙerawa.
14. Turu: a cikin turu ne ake hura wutar maƙera

Waɗannan sune kayayyakin da ake yin ƙira dasu a maƙera .

Hotuna

• 
  Tsohuwar Makera, 1905
• 
  Wata Makera