Nasir Zangon-Daura

Nasir Zangon-Daura
Rayuwa
ƙasa	Najeriya
Sana'a
Sana'a	ɗan siyasa

Nasiru Sani Zangon Daura ɗan siyasan Najeriya ne kuma Sanata mai wakiltar mazaɓar Katsina ta Arewa a majalisar dattawa ta 10. An zaɓe shi a matsayin ɗan majalisar wakilai mai wakiltar mazaɓar Zango/Baure na jihar Katsina a kan tikitin jam'iyyar All Progressives Congress, APC.

Ilimi da aiki

Ya samu shaidar kammala karatunsa na farko a makarantar Capital, Kaduna, sannan ya halarci kwalejin Barewa da ke Zariya inda ya yi karatun sakandire. Ya yi karatun Form guda shida a Cibiyar Cambridge, London kuma daga baya ya koma Kwalejin Lindisfarne Ruabon. Ya yi karatun digiri na farko a Jami’ar Ahmadu Bello da ke Zariya.

An zaɓe shi a shekarar 2011 zuwa majalissar ƙasa ta 7 domin wakiltar mazaɓar Zango/Baure ta jihar Katsina. An sake zaɓen sa a majalisa ta 8 da ta 9 a shekarar 2015 da 2019 akan tikitin jam'iyyar APC. A lokaci guda a majalisar ya kasance shugaban kwamitin majalisar kan harkokin cikin gida da kuma memba na wasu kwamitoci da dama. A zaɓen majalisar dattijai da aka yi a ranar 25 ga watan Fabrairu, 2023, ya samu kuri’u 174,062 inda ya doke Sanata Ahmed Baba Kaita na jam’iyyar PDP wanda ya samu kuri’u 163,586.