Hamza Abu Faris

Hamza Abu Faris
Rayuwa
Haihuwa	Msallata, 13 ga Janairu, 1946 (78 shekaru)
ƙasa	Libya
Karatu
Makaranta	University of Libya (en) Ez-Zitouna University (en) Jami'ar Tripoli
Sana'a
Sana'a	ɗan siyasa
Employers	Jami'ar Benghazi
Imani
Jam'iyar siyasa	no value

Hamza Abu Faris ,(Larabci: حمزة أبوفارس‎), malami ne kuma ɗan siyasa ɗan ƙasar Libya 'wanda aka haife shi a Msallata a ranar 13 ga watan Janairu ,1946. Abdurrahim El-Keib ,ne aka naɗa shi Awqaf & Islamic Affairs ,Minister a ranar 22 ga watan Nuwamba 2011.

Ilimi

An baiwa Hamza Abu Faris takardar shedar koyarwa a harshen Larabci da koyar da addini daga birnin Tripoli a shekarar 1967. A cikin shekarar 1971 ya sami takardar shaidar sakandare a Sashen Adabi sannan ya ci gaba da karatu a Kwalejin Malamai da Ilimi mai zurfi a Tripoli.

Abu Faris ya samu digirinsa na farko a fannin Harshen Faransanci da adabi bayan ya yi karatu a Sashen Harsuna.

Ya yi karatun digirinsa na biyu a jami'ar Al Fateh a fannin ilimin addinin musulunci ƙarƙashin kulawar Dr. Abd'al-Salaam Abu Naji a shekarar 1984.

A shekara ta 2000 Hamza Abu Faris ya sami digirin digirgir (Ph.D) a fannin Kimiyyar Musulunci, tare da ba da fifiko a fannin Fiqhu (Comparative Fiqh) daga Jami'ar Zaytuna da ke Tunisiya; Kundin karatunsa na digirin digirgir yana da taken "Alkali Abdul Wahab al-Baghdadi da tsarinsa na tafsirin sakon manzon Allah."

Horon Addini

Dangantakar Hamza Abu Faris da ilimin Shari’a (ilimi da horar da hadisai na shari’a) ta fara ne, a hannun Shaikh wani kauye; ya kammala haddar Alkur'ani a shekarar 1982.

Musamman:

• Fikihun Malikiyya daga shahararrun ayyukan (al Malik).
• Tauhid (ka'idar kadaita Allah)
• Ilimin Hadisi (hadisai dangane da rayuwar Annabi Muhammad)
• Tafsirin Alqur'ani
• Muwatta (nassi na asali a mazhabar Malikiyya na fikihu)
• tafsirinsa al-Zurqani
• Sahihul Bukhari (Hadisin Hadisai)
• Sahih Muslim (Tarin Hadithin Canonical)

Kwarewa ta musamman a fagen gado da ilimin fikihu.

Aikin koyarwa

Hamza Abu Faris ya koyar a matakin sakandire na shekaru da dama kafin ya koyar a tsangayar shari'a a jami'ar Benghazi daga baya kuma ya karantar a bangaren shari'a na jami'ar Nasser ta Tarhuna. Daga baya an naɗa Abu Faris a bangaren shari'a a jami'ar Al Fateh dake birnin Tripoli.

Sauran Ayyuka

Ya yi aiki a matsayin mai bincike na Majalisar Fiqhu na Kungiyar Ƙasashen Musulmi a Makka da Majalisar Fatawa da Bincike ta Turai.

Ya halarci wani shirin talabijin mai suna Musulunci da salon rayuwa a gidan talabijin na Libya, wanda ake watsa shi kai tsaye a ranakun Juma'a da Asabar.