Hari a Ma'aikatar DSS, Abuja

Hari a Ma'aikatar DSS, Abuja

Iri	aukuwa
Bangare na	Rikicin Boko Haram
Kwanan watan	31 ga Maris, 2014
Wuri	Abuja
Adadin waɗanda suka rasu	21
Adadin waɗanda suka samu raunuka	2

Hari a Abuja dai, wani harin ta'addanci ne da ƙungiyar Boko Haram ta hada kai ta kai a ma'aikatar tsaron kasar ta Abuja a ranar 31 ga watan Maris, 2014 a ƙoƙarin su na tserewa daga inda ake tsare dasu. Hakan ya yi sanadiyar mutuwar maharan 21 da suka yi yunƙurin tserewa inda jami'an tsaro 2 suka samu munanan raunuka.

Lamarin

Lamarin ya faru ne a ranar Lahadi 31 ga Maris, 2014 da safe, lokacin da ɗaya daga cikin Jami'in tsaro na ma'aikatar ake zargin ya je gidan yarin don yin karin kumallo. A ƙoƙarinsa na komawa ofishin sa, ɗaya daga cikin ƴan ta’addan ne ya kwace masa makami, inda ya buge shi a kai duk da hannunsa a ɗaure yake-(hannun akwai ankwa) a ƙoƙarinsa na tserewa. Wannan lamari ya jawo hankalin masu gadin da ke ɗauke da makamai da suka yi harbi a sama, don dakatar da su. Wannan yunƙuri ya ci tura har sai da jami'an soji suka shigo domin murƙushe tashe tashen hankula. Fursunoni 21 ne sojoji suka kashe sannan wasu jami’an gwamnati biyu sun samu munanan raunuka.

Martani

Bayan harin, an yi ta cece-kuce kan mutuwar fursunonin 21 da suka mutu a yayin harin, saboda wataƙila sojojin da suka yi musu lakabi/suna da ƴan Boko Haram sun kashe wasu fursunonin da ba su ji ba ba su gani ba. Wannan zato ya samo asali ne daga wasu wallafe-wallafen jaridar New York Times na rahoton ƙungiyar kare haƙƙin ɗan Adam ta duniya, wanda ta yi zargin cewa an kashe mutane kusan 600 ba tare da suna riƙe da makami ba, a lokacin da aka sake kama waɗanda suka tsere a baya lokacin da ƴan ƙungiyar Boko Haram suka kai hari a barikin sojoji na Giwa a Maiduguri. Rahoton na Amnesty International ya samo asali ne daga wani shaidar gani da ido na kisan da sojojin Najeriya suka yi wa fursunonin da ƴan ƙungiyar mayaƙan Boko Haram suka sako waɗanda ba su ji ba ba su gani ba a harin da suka kai barikin sojin na Giwa. Wani ganau ya ce: “Tsoffin wadanda ake tsare da su suna cikin aji. Sai suka fara kururuwa 'mu ba Boko Haram ba ne. Mu tsararru ne!' Ni da makwabta mun ga sojoji sun kwashe mutanen zuwa wani wuri da ake kira (‘no man's land,’ ) a bayan jami’ar Maiduguri. Mun kalli yadda sojoji suka buɗe wuta inda suka kashe mutane 56. An kashe su a gabanmu. Dukkansu", in ji jaridar New York Times.

Duba kuma

• Jerin fasa gidajen yari a Najeriya
• Fasa Gidan Yari a Najeriya