Yassir Al-Dosari

Yassir Al-Dosari
Rayuwa
Haihuwa	Al-Kharj (en) , 6 ga Augusta, 1980 (44 shekaru)
ƙasa	Saudi Arebiya
Karatu
Makaranta	King Saud University (en)
Harsuna	Larabci
Sana'a
Sana'a	qāriʾ (en) da Liman
Imani
Addini	Musulunci

Yasir bin Rasyid ad-Dousary ( Larabci: ياسر بن راشد الدوسري‎  ; An haife shi a ranar 6 ga watan Agustan shekarar 1980, limami ne, khatib (wato mai khuduba), kuma Alaramma ya fito daga Saudi Arabia. Ya kasance daya daga cikin limaman Masjid al-Haram tun 12 ga watan Oktoba shekarar, 2019. A baya, ya kasance yana jagorantar sallah Tarawih da Tahajjud a Masjid al-Haram daga shekarar, 2015 sannan kuma yayi limanci a masallatai da dama a Riyadh tun a shekarar, 1995. Al-Dosari dalibi ne na kungiyar malamai da shehunai, wadanda suka hada da Abdulaziz Al Sheikh, Saleh Al-Fawzan, da Abdullah ibn Jibrin . Ya kuma koyi qira’a tare da shehunnai da qariwa da dama, daga cikinsu akwai Bakri Al-Tarabisyi da Ibrahim Al-Akhdar.

Sana'a

Limamin Masjid Al-Haram

A ranar 29 ga watan Sha’aban shekara ta, 1436 A H (15 ga watan Yunin shekarar, 2015), Sarki Salman bin Abdulaziz ya ba da umarnin Al-Dosari ya zama daya daga cikin limamin Tarawih da Tahajjud a Masjid Al-Haram a lokacin Ramadan. Ya bi wannnan umarni na tsawon shekaru biyar. A ranar 13 Safar 1441 A H (12 watan Oktoba shekarar 2019), Sarki Salman ya nada Sheikh Yasir a matsayin limamin dindindin a Masjid Al-Haram. Ya jagoranci sallar farko a Masallacin Harami a lokacin Sallar Magariba da Isha'i a ranar Asabar 13 ga Oktoba shekarar, 2019.

Baya ga kasancewarsa limami, Al-Dosari yana cikin masu ba da shawara ga fadar Shugabancin Masallacin Haramain tun daga shekarar, 2020. An nada shi wannan mukamin ne bayan Abdul-Rahman Al-Sudais, Shugaban Janar na Shugabancin Haramain, ya yanke shawarar sake tsara mukaman hukumar ba da shawara ta wannan hukuma.

Mai Khudubah a Masallacin Harami

Yassir Al-Dosari

Bayan kimanin shekaru uku da zama limamin masallacin Al-Haram, Sheikh as-Sudais ya sanar da cewa an nada Al-Dosari a matsayin khatib na Masjid Al-Haram tare da amincewar Sarki Salman a watan Disamba shekara ta, 2022.