Bayo Ohu
 Bayo Ohu | |
|---|---|
| Rayuwa | |
| Haihuwa | 18 ga Yuni, 1964 |
| ƙasa | Najeriya |
| Mutuwa | 20 Satumba 2009 |
| Yanayin mutuwa | kisan kai |
| Karatu | |
| Makaranta | Makarantar Firamare |
| Harsuna |
Turanci Pidgin na Najeriya |
| Sana'a | |
| Sana'a | ɗan jarida |
Ogunbayo Ayanlola Ohu (18 ga watan Yunin, shekarar 1964 – 20 ga watan Satumbar, shekarar 2009), wanda aka fi sani da Bayo Ohu, ɗan jaridar kasar Najeriya ne. Ohu ya yi aiki a matsayin mataimakin editan labarai na The Guardian, jarida mai zaman kanta da ake bugawa a kasar Najeriya.[1][2]
Rayuwar farko da Karatu
[gyara sashe | gyara masomin]An haifi Ohu ranar 18 ga watan Yunin, shekarar 1964.[3] Ya yi makarantar firamare a makarantar firamare ta ƙaramar hukumar Iseyin a jihar Oyo. [3] Daga baya Ohu ya shiga makarantar Progressive Grammar School da ke Ado-Awaye, inda ya kammala a shekarar 1976.[3] Daga ƙarshe ya kammala karatunsa a Kwalejin The Polytechnic, Ibadan tsakanin shekarar 1988 zuwa shekarar 1990.[3]
Aikin Jarida
[gyara sashe | gyara masomin]An ɗauki Ohu a matsayin mai kawo rahoto a jaridar The Guardian, wata jarida ta yau da kullun da ke birnin Legas, a cikin shekara ta 1991.[3] Ya yi aiki da jaridar a matsayin wakilin jihar a jihar Katsina da ke arewacin kasar Najeriya.[3] Bayan zamansa a birnin Katsina, Ohu ya samu muƙamin mataimakin editan labarai.[3] Daga baya kuma ya koma buga labaran siyasar Najeriya ga gidan jaridar The Guardian. [3]
Mutuwa
[gyara sashe | gyara masomin]An harbe Ohu har lahira a gidansa da ke Legas, da safiyar ranar Lahadi, 20 ga watan Satumba, 2009. An yi imanin wasu mahara biyar ne suka kai wa Ohu hari, inda suka sace masa kwamfutar tafi-da-gidanka da wayar salula . [1] 'Yan sanda da farko sun yi imanin cewa kisan Ohu wani ɓangare ne na fashi da makami, kodayake aikin Ohu da ya ke wa Jaridar The Guardian ne ake zargin cewa ya sa aka kashe shi. [1] Kungiyar ‘yan jarida ta Najeriya ta yi Allah-wadai da kisan Ohu da cewar kisan gilla ne da aka yi niyya ba na fashi ba. [1]
Manazarta
[gyara sashe | gyara masomin]- ↑ 1.0 1.1 1.2 1.3 Greenslade, Roy (2009-09-22). "Nigerian news editor murdered". The Guardian. Retrieved 2009-09-22.
- ↑ Human Rights Watch (2011). World Report 2010: Events of 2009. Seven Stories Press. p. 146. ISBN 978-1-60980-037-6.
- ↑ 3.0 3.1 3.2 3.3 3.4 3.5 3.6 3.7 Oropo, Kamal Tayo (2009-09-22). "Bayo Ohu, The Guardian's reporter, murdered". The Guardian. Nigeria. Archived from the original on 2020-11-28. Retrieved 2020-10-12.