Mu'azu Jaji Sambo

Mukala mai kyau

Mu'azu Jaji Sambo
Minister of Transportation (en) 6 ga Yuli, 2022 - 2023 ← Rotimi Amaechi Minister of State for Works and Housing (en) 24 Disamba 2021 - 6 ga Yuli, 2022 - Umar Ibrahim El-Yakub (en) →
Rayuwa
Haihuwa	7 Satumba 1959 (64 shekaru)
ƙasa	Najeriya
Karatu
Makaranta	Jami'ar Ahmadu Bello
Harsuna	Turanci Fillanci Hausa
Sana'a
Sana'a	ɗan siyasa da civil servant (en)

Mu'azu Jaji Sambo FNIOB, MCORBON, MNIM, CON, shi ne tsohon Ministan Sufuri na Tarayyar Najeriya da tsohon sshugaban ƙasa Muhammadu Buhari ya naɗa a ranar 6 ga Yuli, 2022. Tun da farko an naɗa shi a matsayin ƙaramin ministan ayyuka da gidaje a shekarar 2021 kafin daga bisani shugaban ƙasar ya ɗauke shi zuwa Ma'aikatar Sufuri.

Rayuwar farko da ilimi

An haifi Mu'azu Jaji Sambo a shekarar 1959 a garin Jalingo dake Jihar Taraba.

Sambo ya halarci Jami'ar Ahmadu Bello da ke Zaria, inda ya karanci fannin gine-gine.

Sana'a

A shekarar 1984 Sambo ya fara aiki da hukumar kula da tashoshin jiragen ruwa ta Najeriya (NPA), kuma ya zama babban injiniyan farar hula. Daga baya ya zama manaja a Savannah Bank of Nigeria. Ya koma, Allied Bank of Nigeria, NICON Inshora, daga karshe ya zama babban manaja na shiyyar Legas, National Inland Waterways Authority; ya yi ritaya a shekarar 2019.

Siyasa

Sambo ɗan jam'iyyar All Nigeria Peoples Party ne a jihar Taraba.

Shugaban ƙasa, Babban Kwamandan Sojojin Tarayyar Najeriya, Mai Girma Muhammadu Buhari, GCFR ne ya naɗa Sambo a matsayin ƙaramin minista a ranar 24 ga Disamba, 2021 kuma aka kai shi zuwa Ma’aikatar Ayyuka da Gidaje ta Tarayya. A ranar 6 ga Yuli 2022, an mayar da shi ma'aikatar sufuri a matsayin ministan Sufuri.

A gabanin ƙaratowar zaɓen 2023, an naɗa shi a matsayin kodinetan ƙungiyar yakin neman zaɓen Tinubu/Shettima na Jihar Taraba wanda ya ga fitowar mai mafarkin zama shugaban ƙasa Bola Ahmed Tinubu a matsayin shugaban ƙasa, kuma babban kwamandan Sojojin Tarayyar Najeriya.