Ranar Qudus

jeruselem 2013 template mount-dome of the chain

wasan doki a rana murana Jerusalem 2019

 

Ranar Qudus
observance (en) da public holidays in Iran (en)
Bayanai
Farawa	1979
Wanda ya samar	Khomeini
Shafin yanar gizo	qudsday.com

Ranar Kudus ' Wacce akafi sani a hukumance da Ranar Kudus ta Duniya, wani taron shekara-shekara ne na goyon bayan Falasdinawa da ake gudanarwa a ranar Juma'ar karshe ta watan Ramadan don nuna goyon baya ga Falasdinawa da adawa da Isra'ila da yahudawan sahyoniya . sunan Yasamo asali daga harshen Larabci na Urushalima : al-Quds . An fara gudanar da taron ne a shekarar dubu daya da dari tara da saba'in da tara 1979 a Iran jim kadan bayan juyin juya halin Musulunci . Yawanci, ya kasance a cikin adawa da ranar Kudus ta Isra'ila, wadda Isra'ilawa ke yi tun watan Mayu shekarar dubu daya da dari tara da sittin da takwas 1968 kuma majalisar Knesset ta ayyana ranar hutu ta kasa a 1998.

Ana kuma gudanar da ranar Qudus a wasu kasashe da dama musamman a kasashen Larabawa da sauran kasashen musulmi, inda ake gudanar da zanga-zangar nuna adawa da mamayar da Isra'ila ke yi a gabashin birnin Kudus . Ana gudanar da taruka a kasashe daban-daban na al'ummar musulmi da ma wadanda ba musulmi ba a duniya.

Masu sukar ranar Kudus suna jayayya cewa a ana fakewane da ranar don kyamar Yahudawa . A Iran, ranar Kudus ana gabatar da zanga-zangar adawa da wasu kasashe, ciki har da Amurka da Saudiyya .

Tarihi

Ministan harkokin wajen Jamhuriyar Musulunci ta Iran ibrahim Yazdi ya fara ba da shawarar gudanar da zanga-zangar adawa da sahyoniyawa a kowace shekara ga jagoran juyin juya halin Musulunci na Iran Ruhollah Khomeini . A lokacin, abin da ya fi daukar hankali yana da alaka da zurfafa takun saka tsakanin Isra'ila da Lebanon . Khumaini ya amince da ra'ayin Yazdi, kuma a ranar bakwai 7 ga watan Agustan shekarar dubu daya da dari tara da saba'in da tara 1979, ya ayyana ranar Juma'ar karshe ta kowane Ramadana a matsayin "Ranar Kudus", inda musulmin duniya za su hada kai don nuna goyon baya g Falasdinawa, dakuma nuna kyama ga mamayar Isra'ila kan Falasdinawa . Khumaini ya bayyana cewa ‘yantar da Kudus wani aiki ne na addini a kan dukkan musulmi:

maganar khumaini

Ina kira ga al'ummar musulmi a fadin duniya da su tsarkake Juma'ar karshe na watan Ramadan a matsayin ranar Kudus tare da shelanta hadin kan musulmi na duniya wajen goyon bayan halalcin hakkokin al'ummar musulmin Palastinu. Shekaru da dama ina sanar da al'ummar musulmi irin hadarin da ke tattare da haramtacciyar kasar Isra'ila wacce a yau ta zafafa hare-haren wuce gona da iri kan 'yan'uwa Palasdinu, wanda a kudancin kasar Labanon ke ci gaba da kai hare-hare kan gidajen Falasdinawa. Tareda fatan murkushe gwagwarmayar Palasdinawa. Ina rokon daukacin al'ummar musulmin duniya da gwamnatocin kasashen musulmi da su hada kai wajen raba hannun wannan dan cin zarafi da magoya bayansa. Ina kira ga daukacin al'ummar musulmin duniya da su zabi ranar Kudus ranar Juma'a ta karshe a cikin watan Ramadan mai alfarma - wanda shi kansa lokaci ne mai kayyadewa, kuma zai iya zama mai tantance makomar al'ummar Palastinu - da kuma ta hanyar wani biki da ke nuna al'ummar Palastinu. hadin kan musulmi a fadin duniya, ya sanar da goyon bayansu ga halalcin hakkokin al'ummar musulmi. Ina rokon Allah Madaukakin Sarki da Ya ba Musulmi nasara a kan kafirai. }} An sami rahotannin aukuwar tashe-tashen hankula a ranar Kudus, wadanda suka hada da mutane ashirin da takwas 28 da aka kashe tare da jikkata dari uku da ashirin da shida 326 ta hanyar bama-bamai a shekarar dubu daya da dari tara da tamanin da biyar 1985 a lokacin yakin Iran da Iraki . Iran na murnar wannan biki ne ta hanyar sanya hotunan birnin Kudus a baje kolin jama'a, jawabai masu jigo, nune-nunen zane-zane da ke nuna lamarin, da kuma al'amuran al'ada. A kasar Lebanon, kungiyar Hizbullah ta yi bikin ne ta hanyar shirya gagarumin faretin soji na makon karshe na kowane watan Ramadan. Tun daga shekarar dubu daya da dari tara da tamanin da tara 1989, Jordan ta tsara taron ta hanyar gudanar da taron ilimi, wanda wurin daga jami'a zuwa jami'a ya bambanta kowace shekara. Al'ummomin larabawa gaba daya suna gudanar da bikin baje kolinsu domin nuna goyon bayansu ga manufofin Falasdinawa na neman zama kasa .

An kuma gudanar da wannan rana a duk fadin kasashen musulmi da na larabawa . A cikin watan Janairun shekarar dubu daya da dari tara da tamanin da takwas 1988, a lokacin Intifada na farko, kwamitin birnin Kudus na kungiyar hadin kan kasashen musulmi ya yanke shawarar cewa za a gudanar da bukukuwan ranar Qudus a duk fadin kasashen Larabawa. A kasashen da ke da al'ummar musulmi mabiya mazhabar shi'a, musamman kasar Lebanon, inda kungiyar Hizbullah ke shirya bukukuwan ranar Qudus, ana samun gagarumar halartar tarukan na ranar. Ana kuma gudanar da al'amura a Iraki, yankin Gaza na Falasdinu, da kuma Siriya . Kungiyar Hamas da Jihad Islama ta Falasdinu sun amince da ranar Qudus tare da gudanar da bukukuwa. A wajen gabas ta tsakiya da sauran kasashen larabawa, an gudanar da zanga-zangar ranar Qudus a kasashen Birtaniya da Jamus da Canada da Sweden da Faransa da Amurka da kuma wasu kasashen musulmi a kudu maso gabashin Asiya . A cewar BBC, yayin da ainihin ra'ayin da ke tattare da ranar Kudus shi ne tattara dukkanin musulmi masu adawa da wanzuwar Isra'ila, lamarin bai ci gaba da wuce gona da iri ba. Baya ga tarurrukan da Iran da kanta ke daukar nauyinta da kuma shiryawa a manyan biranen kasar daban-daban, wannan ibada ba ta taba samun gindin zama ba a tsakanin musulmi baki daya.

Abubuwan da suka faru a ranar Kudus

A Iran gwamnati ce ta dauki nauyin gudanar da faretin na ranar. Abubuwan da suka faru sun hada da jerin gwano da gangami. Manyan shugabannin Iran sun yi jawabai masu zafi suna la'antar Isra'ila, da kuma gwamnatin Amurka. Jama'ar sun amsa da rera wakokin "Mutuwa ga Isra'ila", da " Mutuwa ga Amurka ". A cewar Roger Howard, Iraniyawa da yawa 'yan kasa da shekaru 30 suna ci gaba da halartar bukukuwan ranar Qudus, duk da cewa ba su kai na kan tituna ba. Ya kara da cewa yawancin daliban Iran a harabar jami'ar sun ce a asirce cewa rikicin Larabawa da Isra'ila "ba shi da alaka da mu."

An gudanar da zanga-zangar ranar Qudus a wasu sassan Gabas ta Tsakiya da kuma a London da Berlin da kuma Amurka. Zanga-zangar da aka yi a Landan ta tara mutane Sama da dubu uku 3,000, yayin da Berlin ta ga masu zanga-zangar 1,600 a cikin shekarar dubu biyu da sha takwas 2018. An gudanar da taruka a akalla birane sha takwas 18 a fadin Amurka tun a shekarar dubu biyu da sha bakwai 2017.

A cikin shekarar dubu biyu da ashirin 2020, a karon farko tun lokacin da aka fara shekaru arba'in da suka gabata, an gudanar da taron ranar Qudus kusan a Iran a cikin bala'in na fama da cutter korona COVID-19 .

Hotunan Ranar Qudus

• Quds Day
• 
  Berlin, 2014
• 
  London, 2018
• 
  Kum, 2015
• 
  Tehran, 2017
• 
  Tehran, 2016

Karin bayani

• dangantakar Iran da Isra'ila
• Juma'ah-tul-Wida, kuma a ranar Juma'ar karshe a watan Ramadan
• Quds a cikin adabin Farisa
• Mutuwa ga Amurka

Hanyoyin hadi na waje

• Ranar Qudus ta duniya a gidan yanar gizon Hamasna
• Jawabin Ayotollah Khomeini akan al-Quds
• Jihadi da jingo a kan titunan Iran Guardian Unlimited a ranar Kudus
• Masu zanga-zangar Iran a ranar Qudus ta shekarar dubu biyu da tara 2009, suna ta rera taken nuna adawa da gwamnatin Iran