Nasiru Idris

Nasiru Idris
Gwamnan Jihar Kebbi 2023 -
Rayuwa
Haihuwa	Birnin Kebbi, 6 ga Augusta, 1965 (58 shekaru)
ƙasa	Najeriya
Karatu
Makaranta	Jami'ar Usmanu Danfodiyo
Harsuna	Hausa Turanci Pidgin na Najeriya
Sana'a
Sana'a	ɗan siyasa da trade unionist (en)
Imani
Addini	Musulunci
Jam'iyar siyasa	All Progressives Congress

Mohammed Nasir Idris (an haife shi 6 ga Agusta1965) ne, ƙwararren ilimi, ɗan siyasa wanda yake rike da mukamin gwamnan jihar Kebbi a halin yanzu. A baya ya taba zama shugaban kungiyar malamai ta Najeriya kuma mataimakin shugaban kungiyar kwadago ta Najeriya. A ranar 17 ga Afrilu, 2023, hukumar zabe mai zaman kanta ta kasa (INEC) ta bayyana Idris a matsayin wanda ya lashe zaben gwamnan jihar Kebbi a shekarar 2023.

Rayuwar farko da ilimi

An haifi Nasir Idris a ranar 6 ga watan Agusta ƙaramar hukumar Birnin Kebbi a jihar Kebbi. Ya halarci Kwalejin Kimiyya da Fasaha ta Birnin Kebbi tsakanin shekarar 1994 zuwa 2003, da Jami'ar Usmanu Danfodio, Sokoto, tsakanin 2006 zuwa 2009 don yin MBA. Idris ya yi digirin digirgir a fannin ilimi kuma ya rubuta kasidu daban-daban kan ilimi.

Sana'a

A shekarar 2018, an zaɓi Idris a matsayin shugaban kungiyar malamai ta Najeriya (NUT) da kuma mataimakin shugaban kungiyar kwadago ta Najeriya NLC. Tsohon shugaban kungiyar NUT reshen jihar Kebbi, tsohon shugaban NLC, jihar Kebbi kuma tsohon ma'ajin kungiyar NUT ta kasa. A watan Mayun 2022, Mista Idris ya fito a matsayin dan takarar gwamna na jam’iyyar All Progressives Congress (APC) na jihar Kebbi a zaben fidda gwani na gwamnan APC. A ranar 17 ga Afrilu, 2023, Hukumar Zabe Mai Zaman Kanta ta Kasa (INEC) ta ayyana Idris a matsayin wanda ya lashe zaben gwamnan jihar Kebbi a shekarar 2023.