Joyce Msuya
 Joyce Msuya | |||
|---|---|---|---|
 | |||
2018 - | |||
| Rayuwa | |||
| Haihuwa | Tanzaniya, 1968 (55/56 shekaru) | ||
| ƙasa | Tanzaniya | ||
| Mazauni | Nairobi | ||
| Karatu | |||
| Makaranta |
University of Strathclyde (en)  University of Ottawa (en) | ||
| Sana'a | |||
| Sana'a |
microbiologist (en) da environmental scientist (en) | ||
| Employers | Majalisar Ɗinkin Duniya | ||
_Ausschnitt.jpg)
Joyce Msuya 'yar ƙasar Tanzaniya ce mai nazari a fannin halittu kuma masaniya a fannin kimiyyar muhalli wacce ke aiki a matsayin Mataimakiyar Sakatare-Janar kan Harkokin Jin Daɗin Jama'a da Mataimakiyar Mai Gudanar da Agajin Gaggawa a Ofishin Majalisar Ɗinkin Duniya mai Kula da Ayyukan Jin kai tun a shekarar 2021. [1] Daga shekarun 2018 zuwa 2021, ta yi aiki a matsayin mataimakiyar Darakta a Hukumar Kula da Muhalli ta Majalisar Ɗinkin Duniya (UNEP) a matakin mataimakiyar Sakatare-Janar.[2]
Rayuwar farko da ilimi
[gyara sashe | gyara masomin]An haifi Msuya a Tanzaniya, kusan shekarar 1968.[3] Ta sami digiri na farko na Kimiyya a Biochemistry da Immunology daga Jami'ar Strathclyde, Glasgow, Scotland, a shekara ta 1992. Daga baya ta kammala karatun digiri na biyu da digiri na uku a Kimiyyar Halittu da Immunology daga Jami'ar Ottawa, Ontario, Kanada, a shekarar 1996.
Sana'a
[gyara sashe | gyara masomin]Farkon aiki
[gyara sashe | gyara masomin]Kafin shiga rukunin Bankin Duniya, Msuya ta yi aiki a matsayin Manazarciyar Manufofin Kiwon Lafiya na Duniya tare da Cibiyar Nazarin Duniya ta Liu (yanzu Cibiyar Liu don Al'amuran Duniya ) a Jami'ar British Columbia a Kanada. A baya, ta yi aiki a Tanzaniya a kan ayyuka daban-daban, na masu zaman kansu da na gwamnati.[4]
Aiki a Bankin Duniya
[gyara sashe | gyara masomin]Msuya ta shiga bankin duniya a shekarar 1998 a matsayin ƙwararriya a fannin lafiya. Ta ci gaba da haɓaka ƙwararru a fannin tattalin arziƙin ci gaba tare da ba da lamuni a fannin kiwon lafiya a lokacin da take aiki a bankin duniya na sake ginawa da bunƙasa (International Bank for Reconstruction and Development). A cikin shekarar 2001, ta zama Mataimakiyar Shugaban Ci gaban tattalin arziki na Bankin Duniya a matsayin mai ba da shawara ga Babban Mataimakin Shugaba da Babban Masanin Tattalin Arziƙi, Farfesa Lord Nicholas Stern.[4] Daga shekarun 2005 zuwa 2011, ta yi aiki a International Finance Corporation, a cikin Sashen Dabarun Ayyuka da Manufacturing, Agribusiness & Services, inda ta kai matsayin Babbar Jami'iyyar Dabarun.
A shekarar 2011, an naɗa Msuya a ofishin Cibiyar Bankin Duniya ta Beijing a matsayin mai kula da yankin Gabashin Asiya da tekun Pasifik, inda ta mai da hankali kan tallafawa ayyukan Bankin a kokarinta na "yaki da talauci da inganta wadatar juna". A cikin watan Afrilu 2014, babban jami'in gudanarwa ya zaɓi Msuya don kafawa da sarrafa ofishin rukunin farko na Bankin Duniya a Jamhuriyar Koriya, tayi aiki na tsawon shekaru uku a matsayin Wakiliyar Bankin Duniya na Musamman ga Jamhuriyar Koriya kuma Shugabar Rukunin Bankin Duniya (WBG) Ofishin da ke Songdo, Incheon, Koriya ta Kudu.[3]
Daga baya Msuya ta zama mai ba da shawara ga Mataimakin Shugaban Bankin Duniya na yankin Gabashin Asiya da Pasifik, wanda ke Washington, DC.[5][6]
Aiki a UNEP
[gyara sashe | gyara masomin]Daga shekarun 2018 zuwa 2021, Msuya ta yi aiki a matsayin Mataimakiyar Babban Darakta na Hukumar Kula da Muhalli ta Majalisar Ɗinkin Duniya (UNEP) a matakin Mataimakiyar Sakatare-Janar. Sakatare-Janar na Majalisar Ɗinkin Duniya António Guterres ne ya naɗa ta a wannan matsayi a ranar 21 ga watan Mayu 2018, na tsawon shekaru 5.[5][7] Ta maye gurbin Ibrahim Thiaw na Mauritania, wanda ya cika wa'adinsa. [5]
Bayan murabus din Erik Solheim a watan Nuwambar 2018, an naɗa Msuya a matsayin Babbar Daraktar na UNEP.[8]
Rayuwa ta sirri
[gyara sashe | gyara masomin]Msuya tana da aure kuma tana da yara biyu.[5]
Duba kuma
[gyara sashe | gyara masomin]- Irene Tarimo – Tanzanian scientist, biologist and educator
- Mary Mgonja – Tanzanian agricultural scientist
Manazarta
[gyara sashe | gyara masomin]- ↑ Joyce Msuya of United Republic of Tanzania Appointed Assistant Secretary-General for Humanitarian Affairs, Deputy Emergency Relief Coordinator United Nations, press release of 14 December 2021.
- ↑ Joyce Msuya of United Republic of Tanzania Appointed Assistant Secretary-General for Humanitarian Affairs, Deputy Emergency Relief Coordinator United Nations, press release of 14 December 2021.
- ↑ 3.0 3.1 Yi Whan-woo (22 April 2014). "WB names chief for Korea office". The Korea Times. Seoul. Retrieved 22 May 2018.
- ↑ 4.0 4.1 George Mason University Korea (2016). "George Mason University Korea: Joyce Msuya, Member of the President's Advisory Board". Seoul: Masonkorea.gmu.edu. Archived from the original on 23 May 2018. Retrieved 22 May 2018.
- ↑ 5.0 5.1 5.2 5.3 Kelley, Kevin (22 May 2018). "Tanzanian lands senior UNEP post". The EastAfrican. Nairobi. Retrieved 22 May 2018.
- ↑ Namkwahe, John (22 May 2018). "Tanzanian lands top UN job". The Citizen (Tanzania). Dar es Salaam. Retrieved 22 May 2018.
- ↑ Azania Post Reporter (22 May 2018). "Tanzanian economist appointed to head UNEP". Dar es Salaam: Azaniapost.com. Archived from the original on 23 May 2018. Retrieved 22 May 2018.
- ↑ "Note to Correspondents on the resignation of Erik Solheim". United Nations Secretary-General. 20 November 2018. Retrieved 23 November 2018.