Harin Kano, 2014

Harin Kano, 2014

12°00′N 8°31′E
Iri	aukuwa
Bangare na	Rikicin Boko Haram
Kwanan watan	28 Nuwamba, 2014
Wuri	jahar Kano
Ƙasa	Najeriya
Nufi	Masallaci
Adadin waɗanda suka rasu	120
Adadin waɗanda suka samu raunuka	270

Harin bam a Kano a shekarar 2014 wani harin ta'addanci ne da aka kai ranar 28 ga watan Nuwamba, 2014, a babban masallacin Juma'a na Kano, birni mafi girma a Arewacin Najeriya musamman Musulmi a lokacin da 'yan ta'addar Islama ke tada zaune tsaye a Najeriya. Masallacin yana kusa da fadar Sarkin Kano Muhammad Sanusi II, babban malamin addinin Musulunci na biyu a Najeriya, wanda ya bukaci jama'a da su kare kansu ta hanyar ɗaukar makamai domin yakar 'yan Boko Haram. Wasu ‘yan kuna bakin wake biyu ne suka tarwatsa kansu inda ‘yan bindiga suka bude wuta kan waɗanda ke ƙoƙarin tserewa. Kimanin mutane 120 ne suka mutu sannan wasu 260 suka jikkata.

Wai-wa-ye

A ranar 25 ga watan Nuwamba, wasu mata biyu ‘yan kunar baƙin wake sun kashe sama da mutane 45 a wata kasuwa mai cunkoson jama’a a Maiduguri, jihar Borno. A ranar 27 ga watan Nuwamba, kusan mutane 50 ne mayakan Boko Haram suka kashe a Damasak. An kuma daƙile wani harin bam a kusa da wani masallaci a Maiduguri sa'o'i kafin tashin bam a Kano. An saka wani bam a gefen hanya, wanda ake zargin an dakatar da fashewar sa.

Tashin bam

Harin ya faru ne a ranar 28 ga watan Nuwamban 2014 a lokacin da ake gudanar da Sallar Juma'a. An tayar da bama-bamai uku a lokacin da aka fara Sallah. A cewar wani ganau, wasu bama-bamai biyu sun tashi ne a tsakar gidan, yayin da na ukun ya kasance a kan wata hanya da ke kusa. Wani ganau ya ce, “Limamin yana shirin fara sallah sai ya hango wani a cikin mota yana ƙoƙarin tilastawa kansa shiga masallaci. Amma da mutane suka tsayar da shi, sai ya tayar da bama-baman. Mutane suka fara gudu." Bayan fashe-fashen ne wasu ‘yan bindiga suka buɗe wuta akan mutane. A cewar kakakin rundunar ‘yan sandan ƙasar, Emmanuel Ojukwu, fusatattun ’yan bindiga sun kashe ‘yan bindiga huɗu bayan harbe-harbe.

Bayan haka

Shugaban Najeriya Goodluck Jonathan ya yi Allah-wadai da hare-haren, ya kuma umurci jami'an tsaron ƙasar da su ƙaddamar da cikakken bincike, kuma kada su bari har sai an zakulo duk wani jami'in ta'addanci da ke zaluntar 'yancin kowane ɗan kasa na rayuwa da mutunci tare da gurfanar da su gaban kuliya. A watan Disambar 2014, shugaban kungiyar Boko Haram ta Najeriya, Abubakar Shekau, ya zargi Sarkin Kano, Sanusi Lamido Sanusi, da kaucewa Musulunci tare da yi masa barazanar kashe shi.

Rahotanni sun bayyana cewa, bisa buƙatar taimako daga Najeriya, Birtaniya na duba yiwuwar aikewa da masu horar da sojoji domin taimakawa sojojin Najeriya wajen daƙile hare-haren ta'addancin ƴan Boko Haram.

Duba kuma

• Jerin kisan kiyashi a Najeriya
• Tashin Bam a Kano 2013
• January 2012 Nigeria attacks